Almatyda bir táýlikte 2 myńnan asa zańbuzýshylyq toqtatyldy, dep habarlaidy Dalanews.kz.
Qalada 1 sáýirden bastap jol jaǵdaiyn turaqtandyrýǵa jáne quqyqbuzýshylyq deńgeiin tómendetýge baǵyttalǵan "STOP buzýshylyq" operatsiiasy ótkizilip jatyr.
Is-sharanyń alǵashqy kúni jol qozǵalysy qaǵidalaryn buzýdyń 2 200-den asa deregi anyqtalǵan.
"Negizgi nazar óreskel quqyqbuzýshylyqtardyń jolyn kesýge aýdarylǵan. Mas kúiinde kólik basqarý, qarsy jolaqqa shyǵý jáne júrgizýshi kýáliginsiz kólik júrgizý derekteri tirkeldi. Elektrsamokat paidalanýǵa erekshe kóńil bólindi. Bir táýlik ishinde 400-ge jýyq quqyqbuzýshylyq anyqtaldy, onyń ishinde kámeletke tolmaǵandar basqarǵan jaǵdailar bar. Nátijesinde ata-analarǵa qatysty tiisti sharalar qabyldandy", - dedi politsiia.
Sonymen qatar, myńǵa jýyq kólik arnaiy aiyp turaǵyna qoiylǵan. Almaty Politsiia departamenti bastyǵynyń orynbasary Ǵalym Sarǵulovtyń aitýynsha, basty maqsat - quqyqbuzýshylyqtardy anyqtaý ǵana emes, joldarda qaýipsiz orta men tártip qalyptastyrý.
Eske salaiyq, buǵan deiin Almatyda ózge óńirden kelgen politsiia qyzmetkerleri kúsheitilgen rejimde jumys istep jatqany habarlandy.
