Almatyda Seifýllin dańǵyly boiyndaǵy meiramhanaǵa zańsyz qosylǵan qabat sot sheshimimen buzyldy, dep habarlaidy Dala News.
Qalalyq qurylys baqylaý basqarmasynyń málimetinshe, nysanǵa júrgizilgen jospardan tys tekserý barysynda terrasada ornalasqan 165 sharshy metrlik qosymsha qurylys eshqandai ruqsat qujattarynsyz salynǵany anyqtalǵan.
Osyǵan bailanysty nysan iesine qatysty ákimshilik sharalar qabyldanyp, keiin Bostandyq aýdandyq sotyna talap aryz berilgen. Birinshi satydaǵy sot basqarmanyń talaptaryn qanaǵattandyryp, zańsyz salynǵan qabatty buzý týraly sheshim shyǵardy.
2025 jylǵy 16 shildede Almaty qalalyq soty bul sheshimdi ózgerissiz qaldyrdy.
Sot sheshimin oryndaý aiasynda meiramhana iesi zańsyz salynǵan qabatty óz erkimen buzdy.
