Qazaqstan aýyl sharýashylyǵy alqaptarynyń kólemi boiynsha álem elderi arasynda altynshy orynda tur. Bul kórsetkishter BUU-nyń Azyq-túlik jáne aýyl sharýashylyǵy uiymynyń derekteri negizinde jasalǵan, dep habarlaidy Dalanews.kz.
Reitingte alǵashqy oryndardy Qytai, AQSh jáne Avstraliia ielenedi. Odan keiin Braziliia men Resei keledi. Qazaqstan 2,14 mln sharshy shaqyrym kórsetkishpen altynshy orynǵa jaiǵasqan. Úzdik jetilikti Úndistan túiindeidi.
Ár memleket aýyl sharýashylyǵynda belgili bir baǵytqa mamandanǵan. Máselen, AQSh – júgeri óndirisi boiynsha álemdik kóshbasshy, Braziliia – soia men qant qamysyn óndirýde alda, al Avstraliia bidai men dándi daqyldardy kóp kólemde óndiredi.
Qazaqstanda sońǵy jyldary egis qurylymy ózgerip keledi. Elde bidai alqaptary qysqartylyp, tabysy joǵary daqyldardyń úlesi arttyrylýda.
Biyl elimizdegi jalpy egis alqaby 23,8 mln gektar. Bul ótken jylmen salystyrǵanda 180 myń gektarǵa artyq.
Aýyl sharýashylyǵy ministri Aidarbek Saparovtyń aitýynsha, basymdyq joǵary rentabeldi daqyldarǵa berilgen. Atap aitqanda, maily daqyldar alqaby 55 myń gektarǵa, mal azyqtyq daqyldar 242 myń gektarǵa, arpa 94 myń gektarǵa, al uiymdasqan sharýashylyqtardaǵy kartop alqaby 10,3 myń gektarǵa ulǵaiady. Al bidai alqaby 125 myń gektarǵa qysqaryp, 12,1 mln gektar.
