Qazaqstan musylmandary dini basqarmasy (QMDB) sońǵy ýaqytta qoǵamda qyzý talqylanǵan málimdemelerge qatysty resmi túsinikteme berdi, dep habarlaidy Dala News.
Mýftiiat ókilderi jekelegen adamdardyń áreketteri men pikirleri islam dinine telinbeýi tiis ekenin atap ótti.
«Islamda kemshilik joq, kemshilik adamda. Jekelegen adamdardyń qateligi dinniń nemese QMDB-nyń ustanymy emes», – delingen málimdemede.
Sondai-aq QMDB qoǵamda rezonans týdyrǵan Kýrbanali Ahmetke qatysty da naqty pozitsiia bildirdi. Mýftiiat onyń uiymǵa esh qatysy joq ekenin málimdedi.
«Kýrbanali Ahmet QMDB júiesinde jumys istemeidi, onymen eshqandai bailanysymyz joq», – dep atap ótti basqarma.
Mýftiiat Naýryz meiramyna qatysty da naqty ustanymyn jetkizdi. Onda ulttyq merekeniń islam qaǵidalaryna qaishy kelmeitini aitylǵan.
«Naýryz – qazaq halqynyń ulttyq meiramy. Ony atap ótýge din turǵysynan tyiym joq. Bul merekege qarsy pikirler bizdiń kózqarasymyzdy bildirmeidi», – delingen habarlamada.
QMDB ókilderi sonymen qatar salafizm, vahhabizm jáne takfirizm sekildi aǵymdardyń din atynan pikir aityp júrgenine alańdaýshylyq bildirip, olarǵa qarsy túsindirý jáne aldyn alý jumystary júrgizilip jatqanyn jetkizdi.
Aita keteiik, buǵan deiin qoǵamda Naýryzǵa qatysty daýly pikirler aitqan tulǵalarǵa bailanysty is qozǵalyp, olardyń keibiri jaýapkershilikke tartylǵan. Sonymen qatar Májilis depýtaty Ermurat Bapi bul máselege qatysty Bas prokýratýra men QMDB-ǵa resmi saýal joldaǵan.
