Pavlodar oblysynda 7 laýazymdy tulǵa ákimshilik jaýapkershilikke tartyldy, dep habarlaidy Dalanews.kz.
"Memlekettik satyp alý týraly" zańnyń 8-babyna sai mindetin durys oryndamaǵan qatysýshy dep taný úshin sotqa 30 kún ishinde júginý kerek. Biraq memlekettik mekemeler bul merzimdi jii saqtamaidy.
Mundai áreketsizdik jetkizýshiniń jaýapkershilikten qutylyp ketýine jol ashady. Osy úshin Ákimshilik quqyqbuzýshylyq týraly kodekstiń 207-baby 10-bóliginde laýazymdy tulǵalarǵa jaýapkershilik qaralǵan.
2025 jylǵy 27 qarashada mamandandyrylǵan aýdanaralyq ekonomikalyq sot "Ekibastuz qalasy Shiderti kenti ákiminiń apparaty" mekemesiniń "Ámir" jeke kásipkerin mindetin durys oryndamaǵan qatysýshy dep taný týraly talabyn qanaǵattandyrmaǵan.
Is qujattaryna qaraǵanda, jetkizýshi sharttaǵy mindetin ýaqytynda oryndamaǵan. Bul týraly talapker 2025 jylǵy 15 qyrkúiekte bilgen. Biraq sotqa tek 29 qazanda júgingen, iaǵni belgilengen 30 kúnnen kesh.
Osy jaitty teksergen oblys prokýratýrasy Ishki memlekettik aýdit departamentine qadaǵalaý aktisin joldady. Nátijesinde 7 laýazymdy adam ákimshilik jaýapqa tartylyp, aiyppul biýdjetke óndirildi.
