پاۆلودار وبلىسىندا 7 لاۋازىمدى تۇلعا ەكٸمشٸلٸك جاۋاپكەرشٸلٸككە تارتىلدى, دەپ حابارلايدى Dalanews.kz.
"مەملەكەتتٸك ساتىپ الۋ تۋرالى" زاڭنىڭ 8-بابىنا ساي مٸندەتٸن دۇرىس ورىنداماعان قاتىسۋشى دەپ تانۋ ٷشٸن سوتقا 30 كٷن ٸشٸندە جٷگٸنۋ كەرەك. بٸراق مەملەكەتتٸك مەكەمەلەر بۇل مەرزٸمدٸ جيٸ ساقتامايدى.
مۇنداي ەرەكەتسٸزدٸك جەتكٸزۋشٸنٸڭ جاۋاپكەرشٸلٸكتەن قۇتىلىپ كەتۋٸنە جول اشادى. وسى ٷشٸن ەكٸمشٸلٸك قۇقىقبۇزۋشىلىق تۋرالى كودەكستٸڭ 207-بابى 10-بٶلٸگٸندە لاۋازىمدى تۇلعالارعا جاۋاپكەرشٸلٸك قارالعان.
2025 جىلعى 27 قاراشادا مامانداندىرىلعان اۋدانارالىق ەكونوميكالىق سوت "ەكٸباستۇز قالاسى شٸدەرتٸ كەنتٸ ەكٸمٸنٸڭ اپپاراتى" مەكەمەسٸنٸڭ "ەمٸر" جەكە كەسٸپكەرٸن مٸندەتٸن دۇرىس ورىنداماعان قاتىسۋشى دەپ تانۋ تۋرالى تالابىن قاناعاتتاندىرماعان.
ٸس قۇجاتتارىنا قاراعاندا, جەتكٸزۋشٸ شارتتاعى مٸندەتٸن ۋاقىتىندا ورىنداماعان. بۇل تۋرالى تالاپكەر 2025 جىلعى 15 قىركٷيەكتە بٸلگەن. بٸراق سوتقا تەك 29 قازاندا جٷگٸنگەن, ياعني بەلگٸلەنگەن 30 كٷننەن كەش.
وسى جايتتى تەكسەرگەن وبلىس پروكۋراتۋراسى ٸشكٸ مەملەكەتتٸك اۋديت دەپارتامەنتٸنە قاداعالاۋ اكتٸسٸن جولدادى. نەتيجەسٸندە 7 لاۋازىمدى ادام ەكٸمشٸلٸك جاۋاپقا تارتىلىپ, ايىپپۇل بيۋدجەتكە ٶندٸرٸلدٸ.
