Shyǵys Qazaqstan oblysynda mektepterde kadr tapshylyǵy ýshyǵyp tur, dep habarlaidy Dala News.
Oblystyq bilim basqarmasynyń basshysy Qýat Oqasovtyń aitýynsha, óńirde 48 bilim berý mekemesinde direktor joq. Kóptegen pedagogter basshylyq qyzmetke barýǵa qulyqsyz.
«Kóp muǵalim direktor bolǵysy kelmeidi, muǵalim bolyp qala bergendi jón kóredi. Sonyń saldarynan mektep basshylary jetispeidi», – dedi ol.
Sonymen qatar óńirde muǵalimder tapshylyǵy da saqtalyp otyr. Ásirese Altai, Marqakól jáne oblys ortalyǵyna jaqyn Ulan aýdandarynda kadr jetispeýshiligi baiqalady.
Basqarma ókilderi bul máseleni sheshý úshin túrli sharalar qarastyryp jatqanyn, sonyń ishinde kadrlardy óńirlerge kóshirý boiynsha jumystar júrgizilip jatqanyn atap ótti.
