Qazaqstandyq tanymal komik Nurlan Sabýrovtyń Qytaidaǵy gastrolderi ótpei qalýy múmkin. Sáýir aiynyń basyna josparlanǵan Beijiń, Gýanchjoý jáne Shanhai qalalaryndaǵy kontsertteri ótpeýi múmkin, dep habarlaidy Dalanews.kz.
4 sáýirge belgilengen Shanhaidaǵy kontsert uiymdastyrýshylarǵa táýelsiz sebepterge bailanysty toqtatylǵan. Al 2 sáýirde Gýanchjoýda jáne 3 sáýirde Beijińde ótýi tiis basqa da kontsertter de qaýip astynda. Beijińdegi kontsertke biletter satylymy áli bastalmaǵan.
Komiktiń stendap keshterine biletter baǵasy 30 myńnan 120 myń teńgege deiin baǵalanǵan.
Eske salaiyq, 30 qańtarda Nýrlan Sabýrovqa Reseige 50 jylǵa kirýge tyiym salynǵan. Al aqpan aiynyń ortasynda Qazaqstannyń Ulttyq qaýipsizdik komiteti komikke qatysty tekserý sharalaryn bastaǵany belgili boldy.
