Shymkentte kámeletke tolmaǵan balaǵa qatysty zorlyq deregi boiynsha qylmystyq is qozǵaldy, dep habarlaidy Dala News.
Quqyq qorǵaýshy Liazzat Rakisheva áleýmettik jelide qala turǵyny olardyń qoryna júgingenin málimdedi. Áieldiń aitýynsha, ol perzenthanada jatqan kezde 9 jastaǵy ulyn týystaryna qaldyrǵan. Sol aralyqta jaqyn týystarynyń biri birneshe kún qatarynan balaǵa zorlyq kórsetken.
Sonymen qatar dál osy adam basqa balany da birneshe kún boiy qorlaǵany anyqtalǵan. Qazir ata-analar politsiiaǵa aryz jazyp, balalar ádildik talap etip otyr.
Politsiia málimetinshe, bul derek boiynsha qylmystyq is tirkelgen. Aryzda oqiǵa 2021 jyly bolǵany kórsetilgen.
Qazirgi ýaqytta sotqa deiingi tergeý aiasynda kýágerlerden jaýap alynyp, is úshin mańyzdy barlyq materialdar jinalyp, zerttelýde. Tergeý organdary oqiǵanyń barlyq mán-jaiyn tolyq ári obektivti anyqtaýǵa baǵyttalǵan sharalardy jalǵastyryp jatyr.
Tergeý qorytyndysy boiynsha tiisti protsessýaldyq sheshim qabyldanady.
