شىمكەنتتە كامەلەتكە تولماعان بالاعا قاتىستى زورلىق دەرەگى بويىنشا قىلمىستىق ءىس قوزعالدى، دەپ حابارلايدى Dala News.
قۇقىق قورعاۋشى لياززات راكيشيەۆا الەۋمەتتىك جەلىدە قالا تۇرعىنى ولاردىڭ قورىنا جۇگىنگەنىن مالىمدەدى. ايەلدىڭ ايتۋىنشا، ول پەرزەنتحانادا جاتقان كەزدە 9 جاستاعى ۇلىن تۋىستارىنا قالدىرعان. سول ارالىقتا جاقىن تۋىستارىنىڭ ءبىرى بىرنەشە كۇن قاتارىنان بالاعا زورلىق كورسەتكەن.
سونىمەن قاتار ءدال وسى ادام باسقا بالانى دا بىرنەشە كۇن بويى قورلاعانى انىقتالعان. ءقازىر اتا-انالار پوليسياعا ارىز جازىپ، بالالار ادىلدىك تالاپ ەتىپ وتىر.
پوليسيا مالىمەتىنشە، بۇل دەرەك بويىنشا قىلمىستىق ءىس تىركەلگەن. ارىزدا وقيعا 2021 جىلى بولعانى كورسەتىلگەن.
قازىرگى ۋاقىتتا سوتقا دەيىنگى تەرگەۋ اياسىندا كۋاگەرلەردەن جاۋاپ الىنىپ، ءىس ءۇشىن ماڭىزدى بارلىق ماتەريالدار جينالىپ، زەرتتەلۋدە. تەرگەۋ ورگاندارى وقيعانىڭ بارلىق ءمان-جايىن تولىق ءارى وبەكتيۆتى انىقتاۋعا باعىتتالعان شارالاردى جالعاستىرىپ جاتىر.
تەرگەۋ قورىتىندىسى بويىنشا ءتيىستى پروسەسسۋالدىق شەشىم قابىلدانادى.
