Shymkentte Qairat Nurtastyń kontsertinen keiin jansaqtaý bólimine túsken 18 jastaǵy qyzdyń týysy áleýmettik jelide úndeý jariialap, jurttan duǵa tiledi, dep dalanews.kz tilshisi Ulysmedia.kz basylymyna silteme jasap habarlaidy.
Onyń sózinshe, kontsert kezindegi qalyń topta qyz qulap qalyp, adamdardyń aiaǵynyń astynda qalǵan.
"Adamdy qulatyp, ólim aýzyna jetkenshe taptaityndai qalai sonsha qatygez bolýǵa bolady? Meniń baýyrymdy ne úshin uryp, taptadyńyzdar? Ol alty saǵattan beri jansaqtaý bóliminde, ómir men ólimniń arasynda jatyr. Qazir bizge óte aýyr. Ótinemin, aman qalsyn dep duǵa etińizdershi", – dep jazdy qyzdyń týysy.
Shymkent qalasynyń densaýlyq saqtaý basqarmasy 18 jastaǵy naýqastyń jaǵdaiy aýyr ekenin rastady.
Vedomstvo málimetinshe, oǵan oqiǵa ornynda alǵashqy meditsinalyq kómek kórsetilip, keiin jedel járdemmen aýrýhanaǵa jetkizilgen. Qazir qyz dárigerlerdiń turaqty baqylaýynda jáne qajetti em alyp jatyr.
Oqiǵa 10 qazanda Qajymuqan Muńaitpasov atyndaǵy stadionda ótken Qairat Nurtastyń kontserti kezinde bolǵan.
Kýágerlerdiń aitýynsha, stadion kireberisinde adam kóp jinalyp, qysylys týyndaǵan. Áleýmettik jelide kei kórermen adamdardyń qulap, esinen tanyp qalǵanyn jazyp, kontsertti uiymdastyrý kezindegi qaýipsizdik sharalaryna qatysty syn aitqan.
Oqiǵanyń naqty mán-jaiy men jaýapty taraptarǵa qatysty resmi qorytyndy ázirge jariialanǵan joq.
