Ulytaý oblysynda aýyldyq jerlerge arnalǵan 19 modýldik veterinarlyq nysan satyp alyndy. Jobanyń jalpy quny shamamen 500 mln teńgeni quraidy, dep habarlaidy Dalanews.kz.
FBRK telegram arnasynyń málimetinshe, bul bastama óńirdegi veterinariia salasyndaǵy ózekti máselelerdi sheshýge baǵyttalǵan.
"Keiingi jyldary aýyldyq jerlerde maman tapshylyǵy, infraqurylymnyń álsizdigi jáne qyzmettiń qoljetimsizdigi jii kóterilip keledi", - deidi derekkóz.
Ulytaý oblysy – halqy sirek qonystanǵan, eldi mekender arasy alshaq ornalasqan aimaq. Mundai jaǵdaida shalǵai aýyldardan aýdan ortalyǵyndaǵy veterinarlyq stantsiiaǵa jetý qiyn. Sonyń saldarynan mal aýrýlary kesh anyqtalýy múmkin.
Derekkóz aqparatynsha, osyǵan bailanysty oblystyq veterinariia basqarmasy eki baǵyt boiynsha satyp alý júrgizgen. Birinshisi – Qarajal qalasyna arnalǵan bir modýldik veterinarlyq stantsiia. Ekinshisi – Jezqazǵan qalasy men Jańaarqa, Ulytaý aýdandarynyń aýyldyq okrýgterine arnalǵan 18 veterinarlyq pýnkt.
"Árbir modýl tolyq jabdyqtalǵan nysan retinde qarastyrylǵan. Ǵimarattar aýa raiynyń kúrdeli jaǵdaiyna beiimdelgen, ishinde mamandarǵa arnalǵan kabinetter, dári-dármek saqtaityn oryndar jáne qajetti turmystyq bólmeler bar. Sonymen qatar, malmen jumys isteýge arnalǵan arnaiy alańdar men jabdyqtar qarastyrylǵan", - dep tolyqtyrdy olar.
Jobany júzege asyrý quqyǵyn "Nurly Aspan Qurylys" jaýapkershiligi shekteýli seriktestigi jeńip alǵan. Kompaniia nysandardy kelisimshartqa qol qoiylǵan sátten bastap 60 kún ishinde tolyq daiyn kúide tapsyrýy tiis.
Árbir modýldiń quny shamamen 26 mln teńgeni quraidy. Mamandar mundai baǵaǵa qatysty ártúrli pikir bildirip jatyr. Biri tolyq jabdyqtalýyn eskerip, oryndy dese, endi biri memlekettik satyp alýda baǵa tiimdiligine qatysty suraqtar týyndaýy múmkin ekenin aitady.
