ۇلىتاۋ وبلىسىندا اۋىلدىق جەرلەرگە ارنالعان 19 مودۋلدىك ۆەتەرينارلىق نىسان ساتىپ الىندى. جوبانىڭ جالپى قۇنى شامامەن 500 ملن تەڭگەنى قۇرايدى، دەپ حابارلايدى Dalanews.kz.

فبرك تەلەگرام ارناسىنىڭ مالىمەتىنشە، بۇل باستاما وڭىردەگى ۆەتەريناريا سالاسىنداعى وزەكتى ماسەلەلەردى شەشۋگە باعىتتالعان.

"كەيىنگى جىلدارى اۋىلدىق جەرلەردە مامان تاپشىلىعى، ينفراقۇرىلىمنىڭ السىزدىگى جانە قىزمەتتىڭ قولجەتىمسىزدىگى ءجيى كوتەرىلىپ كەلەدى"، - دەيدى دەرەككوز.

ۇلىتاۋ وبلىسى – حالقى سيرەك قونىستانعان، ەلدى مەكەندەر اراسى الشاق ورنالاسقان ايماق. مۇنداي جاعدايدا شالعاي اۋىلداردان اۋدان ورتالىعىنداعى ۆەتەرينارلىق ستانسياعا جەتۋ قيىن. سونىڭ سالدارىنان مال اۋرۋلارى كەش انىقتالۋى مۇمكىن.

دەرەككوز اقپاراتىنشا، وسىعان بايلانىستى وبلىستىق ۆەتەريناريا باسقارماسى ەكى باعىت بويىنشا ساتىپ الۋ جۇرگىزگەن. ءبىرىنشىسى – قاراجال قالاسىنا ارنالعان ءبىر مودۋلدىك ۆەتەرينارلىق ستانسيا. ەكىنشىسى – جەزقازعان قالاسى مەن جاڭاارقا، ۇلىتاۋ اۋداندارىنىڭ اۋىلدىق وكرۋگتەرىنە ارنالعان 18 ۆەتەرينارلىق پۋنكت.

"ءاربىر مودۋل تولىق جابدىقتالعان نىسان رەتىندە قاراستىرىلعان. عيماراتتار اۋا رايىنىڭ كۇردەلى جاعدايىنا بەيىمدەلگەن، ىشىندە ماماندارعا ارنالعان كابينەتتەر، دارى-دارمەك ساقتايتىن ورىندار جانە قاجەتتى تۇرمىستىق بولمەلەر بار. سونىمەن قاتار، مالمەن جۇمىس ىستەۋگە ارنالعان ارنايى الاڭدار مەن جابدىقتار قاراستىرىلعان"، - دەپ تولىقتىردى ولار.

جوبانى جۇزەگە اسىرۋ قۇقىعىن "نۇرلى اسپان قۇرىلىس" جاۋاپكەرشىلىگى شەكتەۋلى سەرىكتەستىگى جەڭىپ العان. كومپانيا نىسانداردى كەلىسىمشارتقا قول قويىلعان ساتتەن باستاپ 60 كۇن ىشىندە تولىق دايىن كۇيدە تاپسىرۋى ءتيىس.

ءاربىر ءمودۋلدىڭ قۇنى شامامەن 26 ملن تەڭگەنى قۇرايدى. ماماندار مۇنداي باعاعا قاتىستى ءارتۇرلى پىكىر ءبىلدىرىپ جاتىر. ءبىرى تولىق جابدىقتالۋىن ەسكەرىپ، ورىندى دەسە، ەندى ءبىرى مەملەكەتتىك ساتىپ الۋدا باعا تيىمدىلىگىنە قاتىستى سۇراقتار تۋىنداۋى مۇمكىن ەكەنىن ايتادى.