Pavlodardaǵy KSP Steel kásipornynda áiel qyzmetker biikten qulap, jansaqtaý bólimine jetkizildi, dep habarlaidy Dalanews.kz.
Oqiǵa 30 naýryz kúni bolǵan. 1979 jyly týǵan qyzmetker jedel túrde qalalyq №1 aýrýhananyń jansaqtaý bólimine jatqyzylǵan.
Dárigerlerdiń málimetinshe, naýqasqa shuǵyl operatsiia jasalǵan. Qazirgi tańda onyń jaǵdaiy aýyr, biraq turaqty dep baǵalanyp otyr.
Oqiǵaǵa bailanysty óńirlik eńbek inspektsiiasy resmi tekseris bastady. Arnaiy komissiia qurylyp, onyń quramyna jumys berýshi men kásipodaq ókilderi engizilgen.
Komissiia 10 jumys kúni ishinde oqiǵanyń barlyq mán-jaiyn anyqtaýy tiis.
Qazirgi ýaqytta jazataiym jaǵdaidyń sebepteri men oǵan kimniń jaýapty ekeni tekserilip jatyr.
