Qazaqstan halqynyń sany 20,5 mıllıonnan asty. Ulttyq statısıka búrosynyń málimetinshe, 2026 jyldyń naýryz aıynyń basynda el turǵyndarynyń jalpy sany 20 532 240 adamǵa jetken, dep habarlaıdy Dalanews.kz.

Jyl basynan beri halyq sany 32 418 adamǵa artqan. Onyń ishinde 28 835 adam tabıǵı ósim esebinen (týý kórsetkishiniń artýy) qosylsa, 3 583 adam kóshi-qon nátıjesinde tirkelgen.

Qazirgi tańda qazaqstandyqtardyń basym bóligi qalalarda turady. Qala halqynyń sany 13 mıllıonnan assa, aýyldyq jerlerde 7,4 mıllıon adam turyp jatyr.

Eń iri qala – Almaty. Munda 2,35 mıllıonnan astam adam ómir súredi. Sodan soń Túrkistan oblysy (2,15 mln) jáne Astana qalasy (1,64 mln).

Al halyq sany eń az óńir – Ulytaý oblysy. Bul aımaqta 219 myńǵa jýyq adam turady.