قازاقستان حالقىنىڭ سانى 20،5 ميلليوننان استى. ۇلتتىق ستاتيستيكا بيۋروسىنىڭ مالىمەتىنشە، 2026 جىلدىڭ ناۋرىز ايىنىڭ باسىندا ەل تۇرعىندارىنىڭ جالپى سانى 20 532 240 ادامعا جەتكەن، دەپ حابارلايدى Dalanews.kz.

جىل باسىنان بەرى حالىق سانى 32 418 ادامعا ارتقان. ونىڭ ىشىندە 28 835 ادام تابيعي ءوسىم ەسەبىنەن (تۋۋ كورسەتكىشىنىڭ ارتۋى) قوسىلسا، 3 583 ادام كوشى-قون ناتيجەسىندە تىركەلگەن.

قازىرگى تاڭدا قازاقستاندىقتاردىڭ باسىم بولىگى قالالاردا تۇرادى. قالا حالقىنىڭ سانى 13 ميلليوننان اسسا، اۋىلدىق جەرلەردە 7،4 ميلليون ادام تۇرىپ جاتىر.

ەڭ ءىرى قالا – الماتى. مۇندا 2،35 ميلليوننان استام ادام ءومىر سۇرەدى. سودان سوڭ تۇركىستان وبلىسى (2،15 ملن) جانە استانا قالاسى (1،64 ملن).

ال حالىق سانى ەڭ از ءوڭىر – ۇلىتاۋ وبلىسى. بۇل ايماقتا 219 مىڭعا جۋىق ادام تۇرادى.