– Oljas myrza, «Astana bankiniń» hal-ahýalyna qatysty áńgime taraǵany barshaǵa aian. Oqyrmandar arasynda sizderdiń klientterińiz de bar ekenin bilemiz. Jaǵdaidy óz aýzyńyzdan baiandap berseńiz jón bolar edi?
– Elimiz Memleket basshysy, Elbasy Nursultan Nazarbaevtyń saiasatynyń arqasynda qarjy-ekonomikalyq daǵdarysty úlken abyroimen eńserdi.
Qazirgi tańda elimizdiń bank júiesi júieli damý jolyna túskenin ózińiz de bilesiz.
Bizdiń "Astana banki" de ózge ekinshi deńgeili bankter sekildi turaqty damý baǵytynan ainyǵan emes.
– «Astana banki» qashan, qalai quryldy? Maqsattaryńyz qandai? Sol jaiynda qysqasha aitsańyz?
– «Astana banki» 2014 jyly «Astana finans» bankiniń negizinde quryldy.
Qurylǵaly beri qarjy institýty Elbasynyń qarjy-ekonomikalyq baǵyttaǵy tapsyrmalaryn nazarǵa alyp, jumys júrgizýde.
Onyń ishinde qarjy-ekonomika salasyn tsifrlandyrý, aýylsharýashylyǵyn kooperatsiialaý jáne halyqpen tyǵyz jumys istep, salymshylardyń qataryna qosý bizdiń basty maqsat.
Qazirgi tańda «Astana bankiniń» Astana, Almaty, Qaraǵandy, Shymkent, Óskemen, Atyraý, Taldyqorǵan jáne Aqtóbedegi filialynda 550-den astam adam jumys isteýde.
– Sonda sizder halyqqa «Astana bankiniń» aktsioneri bolýǵa múmkindik bergen birden-bir qarjy uiymy boldyńyzdar ǵoi? Bul baǵyttaǵy jumysty qalai júzege asyrdyńyzdar?
– 2008 jyly «Halyq banki» aktsiialaryn qor birjasy arqyly saýdaǵa shyǵaryp, halyqtyń bank aktsioneri atanýyna múmkindik týǵyzdy.
Budan keiin osy is-tájiribeni «Astana banki» júzege asyryp, zor tabysqa jetti.
Halyqtyq IPO baǵdarlamasyna tikelei qatysymyz bolmasa da, bul iske táýekel etip, iske kiristik. Nátijesinde isimiz ońǵa basyp, halyq "Astana bankine" senim artty.
Qazirgi tańda bizdiń aktsionerler sany 2500-nan asyp jyǵylady. Bul bizdiń basty erekshiligimiz.
Munshama kóp aktsioneri bar bankti Qazaqstandy bylai qoiyp, TMD keńistiginde sirek kezdestiresiz. Qarapaiym halyqtyń bank aktsioneri bolýy bank jumysynyń ashyqtyǵy men tiimdiligin arttyrýǵa barynsha septesti.
El arasynan salymshy-aktsionerlerdi tartyp, tabysqa jetken Qazaqstandaǵy sanaýly qarjy uiymdardyń biri boldyq.
Osy rette táýelsiz Qazaqstannyń júregi – Astana syndy qaryshtap damyǵan «Astana bankiniń» aktsiialaryn kórshi Reseidiń azamattary da satyp alyp, Qazaqstannyń qarjy júiesine senim artqanyn aita ketýimiz kerek.
Qazirgi esep boiynsha, «Astana bankiniń» Qazaqstandaǵy aktsionerler sany 1700-den assa, Reseide bizge 700-den astam adam senim artty.
Osylaisha bizdiń bank Qazaqstannyń qarjy-ekonomikalyq saiasatta joǵary deńgeide damyǵanyn naqty ispen dáleldedi.
Budan syrt bizdiń bank 2019 jyldan jalpy jumys júiesin tolyqtai memlekettik tilge beiimdeýdi maqsat tutyp otyr.
Ózińiz de bilesiz, jyl ótken saiyn qazaqtildi aýditoriia sany jaǵynan da, sapasy jaǵynan da ósip keledi. Biz osy máseleni eskerip otyrmyz.
Osy arqyly qazaq tili – qarjy tili, bank tili bola alatynyn dáleldegimiz keledi.
Búginde bizdiń qarjylyq qyzmetimizdi 800 myńnan astam halyq tutynady.
– Az ýaqyttyń ishinde munshama klientti qalai tarttyńyzdar?
– Munyń eshqandai qupiiasy joq. Qazirgi tańda Qazaqstanda tsifrly ekonomika qurý isi qarqyndy júrip jatqany ózińizge málim.
Bizder jurtshylyqtyń qarapaiym qalta telefonymen bank qyzmetterin úide otyryp, jumysta júrip paidalanýyna barynsha kúsh saldyq.
Klientterimiz úshin qolaily qosymshalar daiyndap, olarǵa minsiz qyzmet kórsetýge bar kúsh-jigerimizdi jumsap kelemiz.
Osyndai júieli jumystyń arqasynda kóńil qýantarlyq nátijege qol jetkizdik.
Jalpy, tsifrlandyrý jumystary elimizdiń qarjy júiesinde qarqyndy júrip jatyr dep nyq senimmen aita alamyn.
– Demek, jaǵdailaryńyz jaqsy boldy ǵoi?
– Árine. "Astana bankiniń" turaqty damý baǵytynan ainymaǵanyn aiǵaqtaityn myna bir jaitty aita keteiin.
Jaqynda bizder qyzmet kórsetý aiasyn keńeitý maqsatynda Aqtóbe qalasynda bólimshemizdi ashtyq.
Eger bank qandaida bir qiyndyqqa tap bolsa, qosymsha filialyn ashpaityny belgili. Sondyqtan salymshylarymyzǵa «Astana bankiniń» turaqty damý baǵytynan ainymaǵanyn taǵy da qaitalap aitamyn.
– Oljas myrza, áńgime basynda aýyl sharýashylyǵyn kooperatsiialaý isine aralasqandaryńyzdy aityp qaldyńyz? Bul baǵyttaǵy jumysty qalai iske asyrǵandaryńyz qyzyqty bolyp tur.
– Árine. "Astana bankiniń" airyqsha atap ótetin qol jetkizgen tabystary jeterlik.
Aýyl sharýashylyǵy eńbekkerlerimen jumys istep, olardyń kooperativterge birigýine qoldaý kórsettik.
Qazirgi damyǵan zamanda ekonomikanyń kez kelgen salasyn órkendetý úshin qarjylyq resýrs kerek.
Bul rette bizder Qostanai, Aqmola jáne Soltústik Qazaqstan oblysyndaǵy usaq sharýalardyń irgeli kooperativterge birigip, óz isterine qarjy tartýyna múmkindik týǵyzyp, jer emgen sharýalarmen tyǵyz jumys istep kele jatqanymyzdy aita alamyn.
– Bul jaqsy tájiribe eken. Sonda bul baǵyttaǵy jumystaryńyzdy qai ýaqytta bastadyńyzdar? Nátijesi qalai bolǵanyn qysqasha baiandap berińizshi?
– Bizdiń bank aýyl sharýashylyǵy eńbekkerlerin qoldaýdy 2015 jyldan bastap úsh jyl qatarynan úzbei tabysty túrde júzege asyrýda.
Osy úsh jylda
Qostanai, Aqmola jáne Soltústik Qazaqstan oblysyndaǵy irili-usaqty 160 sharýaqojalyǵy 6 kooperativke birigip, «Astana bankiniń» qoldaýynyń arqasynda 541 myń gektar jerge dándi-daqyl seýip, mol ónim aldy.
Óz kezeginde bizdiń bank sharýalardyń kóktemgi egý, kúzgi jiyn-terin jumystaryn ýaqytynda júrgizý úshin tiisti qarajatty bizdiń bankten dál ýaqytynda alyp otyrdy. Qarjydan taryqpaǵannan keiin janarmai men tehnikalaryna qajetti qosalqy bólshekterdi der kezinde satyp alyp, jumystaryn tabyspen aiaqtady.
Keleshekte bizben jumys isteitin sharýaqojalyqtarynyń aýqymyn keńeitip, elimizdiń ózge oblystaryn da qamtityn bolamyz.
– Aityńyzshy, aýyl sharýashylyǵyn kooperatsiialaý jumysyn júzege asyrýda qandai da bir is-tájiribeni nazarǵa aldyńyzdar ma?
– Suraǵyńyz oryndy. Jalpy aýyl sharýashylyǵyna salǵan investitsiia qaitarymy tómen ekeni jasyryn emes. Sondyqtan bul isti qolǵa alǵanda jumys nátijeli bolýy úshin Batys elderiniń bank júiesiniń is-tájiribesin zerttep, Qazaqstannyń qazirgi jaǵdaiyna sai iske asyrýǵa airyqsha kóńil bóldik.
Aýyl sharýashylyǵyn kooperatsiialaýdy tabysty júzege asyrǵan Germaniianyń Raiffaizen bankiniń is-tájiribesine basa mán berdik.
Osy is-tájiribeni Qazaqstannyń jaǵdaiyna yńǵailap, júzege asyrýdyń sáti tústi. Qazir bul baǵyttaǵy jumystarymyz qarapaiym sharýalar tarapynan qoldaý taýyp otyr.
Aldaǵy ýaqytta bul baǵyttaǵy jumystardy jetildirip, damytatyn bolamyz. Aitalyq, bul baǵytta sharýalarǵa kooperativterdi kapitalizatsiialaýdyń máni men mańyzyn túsindire bastadyq.
Bul baǵyttaǵy jumystar bolashaqta irgeli kooperativterdi kúsheitip, elimizdegi iri agroholdingtermen básekege túsetin deńgeige jetkizetin bolady.
– Aýyl sharýashylyǵyn kooperatsiialaý baǵytyndaǵy jumystaryńyz shynymen mańyzdy eken. Bul jaiynda aldaǵy ýaqytta oqyrmandaryńyzǵa aityp berseńiz jaqsy bolar edi.
Oljas myrza, sizdi dál qazir qandai másele alańdatady?
– Iá, sizdermen aldaǵy ýaqytta taǵy da kezdesip, aýyl sharýashylyǵy salasyn kooperatsiialaýǵa qatysty jumystardy jan-jaqty aityp berýge ázirmin.
Dál qazir meni
aýyl sharýashylyǵyn kooperatsiialaý baǵytyndaǵy jumysymyzdyń aiaqsyz qalmaýy, bizge senim artqan 2500-den astam salymshy men 800 myńnan astam bank klientteriniń jaǵdaiy qatty alańdatady.
Bir ǵana aýyl sharýashylyǵyn kooperatsiialaý isiniń arqasynda bizder 2016 jyly 2800-den astamdy turaqty jumys ornynyń ashylýyna sebepshi boldyq.
Kooperativke birikken sharýalar kóktemgi egis naýqanyn der ýaqytta aiaqtaýy tiis.
Óz basym sharýalardyń jaǵdaiyna qatty alańdap otyrmyn. Keleshekte bizge QR Aýyl sharýashylyǵy ministrligi men «QazAgro» holdingi barynsha qoldaý kórsetýi kerek dep esepteimin.
Búgingi qiyndyqtar artta qalyp, nátijeli jumystarymyz jalǵasyn tabaryna senimdimin.
– Oljas myrza, júieli áńgimeńizge rahmet! Jumystaryńyzǵa tabys tileimiz!
Suhbattasqandar, Nurlan JUMAHAN,
Dýman BYQAI
"Astana banki" AQ direktorlar keńesiniń tóraǵasy Oljas Toqtarovtyń úndeýi
[video width="720" height="404" mp4="https://dalanews.kz/wp-content/uploads/2018/04/10000000_863811343826589_7907879264110772224_n.mp4"][/video]
