Sheshenstannyń Qaýipsizdik keńesiniń hatshysy, Ramzan Kadyrovtyń uly Adam Kadyrov respýblikada óz atymen atalǵan sport keshenin ashty. Bul týraly Nadterechnyi aýdanynyń ákimdigi basshysy Hamzat Hasanov óziniń Telegram-arnasynda jariialady, dep habarlaidy Dalanews.kz.
Hasanov jariialaǵan beinerolikte jańa sport zaldarynyń kórinisteri kórsetilgen. Saltanatty rásimge Sheshenstannyń jastar isi jónindegi ministri Ramzan Vismýradov jáne jobanyń negizin qalaýshy, UFC chempiony Hamzat Chimaev qatysty.
Ákimniń aitýynsha, sport kesheni zamanaýi jabdyqtarmen tolyq qamtamasyz etilgen.
«Ol jańa býyn chempiondaryn tárbieleý ortalyǵy ǵana emes, búkil aýdan jastarynyń dene shynyqtyrý jáne bos ýaqytyn tiimdi ótkizý ortalyǵyna ainalady», - dedi Hasanov.
Sport kesheni «Dustum» dep atalady - bul Adam Kadyrovtyń laqap aty. Ramzan Kadyrovtyń sózinshe, jas kezinde oǵan da dál osy «Dýstým» degen pozyvnoi berilgen. Cheshen tilinen aýdarǵanda «dostar» degen maǵyna beredi.
Buǵan deiin, qyrkúiek aiynda, Adam Kadyrov OMON-nyń «Ahmat-Krepost» atty mereitoilyq medalimen marapattalǵan edi. Ramzan Kadyrov ulynyń eshqandai marapatty «jaidan-jai» almaitynyn atap ótti. Onyń aitýynsha, 17 jastaǵy ulyna berilgen árbir marapat naqty jetistikteri úshin tabystalǵan.
