Шешенстанның Қауіпсіздік кеңесінің хатшысы, Рамзан Кадыровтың ұлы Адам Кадыров республикада өз атымен аталған спорт кешенін ашты. Бұл туралы Надтеречный ауданының әкімдігі басшысы Хамзат Хасанов өзінің Telegram-арнасында жариялады, деп хабарлайды Dalanews.kz.
Хасанов жариялаған бейнероликте жаңа спорт залдарының көріністері көрсетілген. Салтанатты рәсімге Шешенстанның жастар ісі жөніндегі министрі Рамзан Висмурадов және жобаның негізін қалаушы, UFC чемпионы Хамзат Чимаев қатысты.
Әкімнің айтуынша, спорт кешені заманауи жабдықтармен толық қамтамасыз етілген.
«Ол жаңа буын чемпиондарын тәрбиелеу орталығы ғана емес, бүкіл аудан жастарының дене шынықтыру және бос уақытын тиімді өткізу орталығына айналады», - деді Хасанов.
Спорт кешені «Dustum» деп аталады - бұл Адам Кадыровтың лақап аты. Рамзан Кадыровтың сөзінше, жас кезінде оған да дәл осы «Дустум» деген позывной берілген. Чешен тілінен аударғанда «достар» деген мағына береді.
Бұған дейін, қыркүйек айында, Адам Кадыров ОМОН-ның «Ахмат-Крепость» атты мерейтойлық медалімен марапатталған еді. Рамзан Кадыров ұлының ешқандай марапатты «жайдан-жай» алмайтынын атап өтті. Оның айтуынша, 17 жастағы ұлына берілген әрбір марапат нақты жетістіктері үшін табысталған.
