Úkimet 2026 jylǵy biýdjettiń negizgi parametrlerin usyndy, dep habarlaidy Dalanews.kz.
Májilistiń jalpy otyrysynda "2026 – 2028 jyldarǵa arnalǵan respýblikalyq biýdjet týraly" zań jobasyn qaraý barysynda qarjy ministri Mádi Takiev 2026 jylǵa arnalǵan biýdjettiń negizgi parametrleri týraly baiandady.
"2026 jylǵa túsim 23,1 trln teńge deńgeiinde boljanyp otyr. Onyń ishinde (transfertterdi eseptemegende) kiris - 19,2 trln teńge. Ekonomikanyń ósimine, jańa Salyq kodeksi qabyldaýyna bailanysty biylmen salystyrǵanda kiris 3,6 trln teńgege artyp otyr", - dedi ministr.Bul rette biýdjet shyǵyny - 27,8 trln teńge, iaǵni biylmen salystyrǵanda 2 trln teńgege artyq. Mádi Takiev 2026 jyly biýdjet tapshylyǵy jalpy ishki ónimge shaqqanda 2,5% deńgeiinde, al 2028 jylǵa qarai 0,9%-ǵa deiin tómendeýi boljanyp otyrǵanyn atap ótti.
Sonymen qatar, Úkimet 2026 jylǵy biýdjettiń negizgi baǵyttaryna qansha qarajat bólinetinin anyqtaǵan:
- Qarjy ministrliginiń málimetinshe, densaýlyq saqtaý salasyna 2,7 trln teńge qarastyrylǵan. Biylmen salystyrǵanda bul qarajat 107 mlrd teńgege artyq.
- Bilim jáne ǵylym salasyna 901,7 mlrd teńge josparlanyp otyr.
- 2026 jyly mádeniet, týrizm jáne sportty damytýǵa 263,5 mlrd teńge qarastyrylǵan.
- 2026 jyly ekonomikany yntalandyrýǵa shamamen 1,2 trln teńge josparlanyp otyr, al naqty sektordy damytýǵa jumsalatyn qarajattyń jalpy kólemi 540 mlrd teńgege artyp, 3,7 trln teńge bolady.
- Óńirlerdi damytýǵa 2026-2028 jyldarǵa 581 mlrd teńge qarastyrylǵan, onyń ishinde 2026 jyly – 300 mlrd teńge.
- Kúshtik qurylym blogyna 2026 jyly 3 trln teńge bólinedi, bul biylmen salystyrǵanda 335 mlrd teńgege artyq.
