Tashkent oblysynda buryn pedofiliia úshin sottalǵan 31 jastaǵy er adamnyń koloniiadan qashyp ketýine jol bergen qyzmetkerler qylmystyq jaýapkershilikke tartyldy, dep habarlaidy Dalanews.kz.
Tashkent oblysy Ahangaran aýdanyndaǵy koloniiadan pedofiliia úshin sottalǵan er adam qashyp shyqqan. Bostandyqqa shyǵa sala ol 3 synyp oqýshysyn zorlaǵan. Qazir er adam qamaýǵa alyndy, qylmys pen onyń qashý faktisi boiynsha tergeý júrip jatyr.
Jábirlengen qyz bala «Inson» áleýmettik qyzmetter kórsetý ortalyǵynyń mamandarynyń baqylaýynda, oǵan psihologiialyq kómek kórsetilýde. Ishki ister ministrligine qarasty Jazalardy oryndaý departamentiniń ortalyq tergeý izoliatorynyń rejim bólimi inspektorlary men basqa da qatysy bar adamdarǵa qatysty qylmystyq is qozǵaldy.
Eske sala keteiik, qazan aiynda Namangan qalasynda jeti jastaǵy qyz balanyń zorlanǵany belgili boldy. Ózbekstan Olii Májilisiniń depýtaty Dilnoza Azizova balalarǵa jasalatyn jynystyq zorlyq-zombylyq sipattaǵy qylmystar úshin jazany qatańdatý jáne pedofilderge ómir boiy bas bostandyǵynan aiyrý jazasyn zańda bekitý týraly bastama kóterdi.
