Ulybritaniia soty Bredfordta 14 jastaǵy qyzǵa tórt jyl boiy seksýaldyq zorlyq kórsetken 15 er adamdy jiyntyǵy 188 jylǵa bas bostandyǵynan aiyrdy, dep habarlaidy dalanews.kz.
Politsiia ókilderiniń aitýynsha, bul oqiǵa aimaqtaǵy balalardy seksýaldyq qanaýdyń eń uzaqqa sozylǵan isteriniń biri.
Tergeý materialdaryna sáikes, qylmystar 2007-2011 jyldar aralyǵynda jasalǵan. Tórt jyl ishinde top qurbanyn 88 ret zorlaǵan. Qyzǵa zorlyq jasalǵan kezde 14 jasta bolǵan. Qylmys jaily 2015 jyldyń qarashasynda ǵana belgili boldy. Sol kezde politsiia qyzdy joǵalǵandar týraly birneshe ret aryz túsken tizimnen anyqtaǵan. Resmi tergeý 2016 jyldyń aqpanynda bastalǵan.
Qazir zardap shegýshige 33 jas. Ol óziniń sózinde qylmyskerler onyń balalyǵyn jáne ómiriniń 20 jylǵa jýyq ýaqytyn tartyp alǵanyn, zorlyqtyń saldary ómir boiy qinaitynyn aitty.
Sot úkimderine keletin bolsaq:
1. Hannan Mia, 40 jasta – 4 epizod boiynsha zorlaý úshin 12 jyl
2. Asif Býdiia, 43 jasta – 4 zorlaý úshin 13 jyl
3. Abdýl Basit, 44 jasta – 4 zorlaý jáne zorlaýǵa qastandyq úshin 13,5 jyl
4. Býrhan Ýddin Ali, 39 jasta – 4 zorlaý úshin 13,5 jyl
5. Muhammad Iasir, 40 jasta – zorlaý úshin 10 jyl
6. Mohammed Nadim Ali, 42 jasta – 4 epizod boiynsha zorlaý úshin 13 jyl
7. Djameel Ahmed, 35 jasta – 4 epizod boiynsha zorlaý úshin 8 jyl
8. Amdjad Hýsein, 39 jasta, Kigli – 5 epizod boiynsha zorlaý úshin 10 jyl 5 ai
9. Ashfak Ahmed, 38 jasta, Galifaks – 2 zorlaý úshin 12 jyl
10. Aftab Ahmed, 37 jasta – 3 zorlaý úshin 11 jyl
11. Anvar Aziz, 36 jasta – 14 zorlaý úshin 15 jyl
12. Iýsýf Bhatti, 40 jasta – 8 zorlaý úshin 17 jyl
13. Feisal Rashid, 37 jasta – 10 zorlaý úshin 15 jyl
14. Omar Tadj, 39 jasta, Batli – 12 zorlaý úshin 15 jyl
15. Shahinýl Hak, 39 jasta – zorlaý úshin 10 jyl
Bredford okrýgi politsiiasynyń málimetinshe, tergeý uzaq ári kúrdeli bolǵan, birneshe sot protsesi ótken. Bas inspektor Viki Grinbanktyń sózinshe, quqyq qorǵaýshylar shyǵarylǵan úkimderdi quptaidy jáne sot sheshimi zardap shegýshige jeńildik pen ádilettilik sezimin beretinine úmittenedi. Ol áieldiń tergeý men sot protsesi barysynda kórsetken batyldyǵy men qaisarlyǵyn da atap ótti.
