Sondai-aq, biyl aýdanda jalpy quny 3 776 mln. teńgeni quraityn 6 joba júzege asady. Olardyń qatarynda “Aqsý qýat” JShS balamaly elektroqýatyn óndirý stantsiiasy bar. Jeke qarjy esebinen tartylatyn investitsiia kólemi 1 500 mln. teńge.
– Aǵymdaǵy jyly iske qosylatyn jobalardyń qatarynda JK «Áli» mal bordaqylaý alańyn aitýǵa bolady. Tartylatyn investitsiia kólemi 130 mln. teńge. Tseh jylyna 5 myń tonna et ónimderin óndiredi dep kútilýde. Sonymen qatar, “Balmuzdaq” JShS shokoladty glazýr jáne shokolad óndeitin tsehy iske qosylyp, jylyna 1100 tonna shokolad ónimderi óndirilmek, – dedi Buharbai Rysqululy.
Aýdan basshysynyń aitýynsha, qus sharýashylyǵyn damytýda aýdanda «Lenger qus» aýyl sharýashylyq óndiristik kooperativin qurylǵan. Búgingi tańǵa kooperativtiń 2 múshesi “Qainar qus” JShS men 10 myń qus ákelýge kelisim shartqa turǵan. Sondai-aq, «Shymkent qus» JShS qus etin óndirý jáne óndeý kompleksi iske qosylady. Ondaǵy tartylatyn investitsiia kólemi 894 mln. teńge. Kompleks jylyna 2000 tonna taýyq eti óndiredi dep josparlanýda.
2018 jyly aýdanda “Gazpromneft-Bitým Kazahstan” JShS bitým zaýyty modernizatsiialaýdan ótedi. Tartylatyn investitsiia kólemi 400 mln. teńge. Modernizatsiialaý arqyly zaýyttyń jyldyq ónim kólemi 300 myń tonnaǵa deiin artatyn bolady.
– Aýdandaǵy jalpy aýyl sharýashylyq salasynyń ónim kólemi ótken jyly 32 mlrd. 256 mln. teńgege jetip, naqty kólem indeksi 100,9 paiyzdy qurady. Aýyl sharýashylyq kooperativteri boiynsha 20 kooperativ quryldy. 2020 jylǵa qarai qarqyndy alma baýynyń kólemin 124 gektarǵa deiin ulǵaitý mejelenip otyr. Aýyl sharýashylyǵy kooperativterin aǵyn sýmen tolyq qamtý úshin «Qaraqýys» jáne «Aqbastaý» sý toǵandaryn iske qosý kózdelýde, – dedi Buharbai Parmanov.
Aita keterligi, aimaqtaǵy jalpy óńirlik ónim kólemi ótken jyly 88 mlrd 467,4 myń teńgeni qurasa, ónerkásip salasynda 25 mlrd. 219 mln. teńgeniń ónimi óndirilgen.
Tóle bi aýdanynda týrizm salasynda 45 nysan jumys isteýde. Atalǵan saladan ótken jyly 6,6 mln. teńge salyq túsip, kelýshi týrister sany 45 myńǵa jýyqtaǵan. Aldaǵy ýaqytta demalys oryndarynyń qyzmet kórsetý sapasy joǵarylai túsetin bolady.
Aýdan basshysynyń aitýynsha,jalpy kásipkerlik sýbektileriniń sany – 7232, al kásipkerlik salasynda jumys isteitinder sany – 15483 adamǵa jetti. Sondai-aq, shaǵyn jáne orta biznes salasynda 33 mlrd. 279 mln. teńgeniń ónimi óndirilip, 532 mln. teńge kóleminde biýdjetke salyq túsken.
«Biznestiń jol kartasy – 2020» memlekettik baǵdarlamasy aiasynda jalpy quny 815 mln. teńgeni quraityn 9 joba maquldanyp, jańadan 103 jumys orny ashylǵan.
– Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasymen qysqa merzimdi kásiptik oqytýǵa 18 mamandyq boiynsha 504 azamat oqýǵa joldanyp, onyń 124-i turaqty jumysqa ornalasty. Baǵdarlamanyń ekinshi baǵyty aiasynda 97 azamat jalpy somasy 206,1 mln teńge kóleminde shaǵyn nesie alǵan. Nátijesinde 120-ǵa jýyq jańa jumys orny ashyldy. Baǵdarlamanyń úshinshi baǵyty sheńberinde turaqty jumysqa jalpy 1800-den astam adam ornalasty, – dedi Buharbai Rysqululy.
Budan bólek, «Órleý» jobasymen 586 otbasy qamtylyp, jalpy 275501 myń teńge qarjy taǵaiyndaldy. Infraqurylym boiynsha óńirdegi máseler sheshimin taýyp keledi.
«Aýdandy kógildir otynmen qamtý deńgeii qazirgi tańda 82 paiyzdy quraidy. 2020 jylǵa qarai 100 paiyzǵa jetkizý mejelengen. Búginde eldi mekenderdi aýyz sýmen qamtý kórsetkishi 92,7 paiyz, aǵymdaǵy jyly tolyǵymen aýdandy taza aýyz sýmen qamtý josparlanýda. Ótken jyly 60,1 shaqyrymdy quraityn 31 avtokólik joldaryna jóndeý jumystary júrgizildi», - dedi Buharbai Parmanov.
Turǵyn úimen qamtamasyz etý boiynsha Lenger qalasynda byltyr 480 otbasy qoljetimdi turǵyn úige qol jetkizgen. Sondai-aq, 40 jáne 20 páterli 2 turǵyn úidiń qurylys jumystary júrgizilýde.
OQO ákiminiń baspasóz qyzmeti
