Kezdesýge Ýniversitettiń birinshi prorektory Maqtaǵali Bektemesov, «Miras» respýblikalyq Keńesiniń músheleri: QR Parlamenti Senatynyń depýtaty Dinar Nóketaeva, jazýshy Qanat Tasybekov, aitysker-aqyn Ainur Tursynbaeva, «Nur Otan» partiiasy Almaty qalalyq jáne Medeý aýdandyq filialy ókilderi, institýt direktorlary men professor-oqytýshylar quramy, doktoranttar, magistranttar men stýdentter qatysty.
Birinshi prorektor Maqtaǵali Bektemesov alǵy sózinde Elbasynyń halyqqa arnaǵan «Prezidenttiń bes áleýmettik bastamasy» Úndeýiniń mańyzdylyǵyna jáne strategiialyq sipatyna toqtalyp, elimizdegi bilim salasynyń jáne jastar jaǵdaiynyń ózekti máseleleri qamtylǵan áleýmettik bastamalardyń qajettigin bilim alýǵa qushtar belsendi jastarǵa memleket tarapynan jasalǵan úlken áleýmettik qamqorlyq ekendigin aitty.
[caption id="attachment_35513" align="aligncenter" width="800"]
Sóz kezeginde QR Parlamenti Senatynyń depýtaty Dinar Nóketaeva Elbasy úndeýinde aýqymy keń, máni tereń máseleler qamtylǵandyǵyn, memleket tarapynan bilim alýshy jastar sany artýymen týyndaityn jataqhana máselesiniń de sheshilý joldarynyń aiqyndalǵandyǵyn aityp, Prezidentimizdiń bastap otyrǵan bastamalary jastar úshin óte mańyzdy ekenin erekshe atap ótti. Sondai-aq, 2018 jyldyń 5 naýryzynda qazaq halqyna joldanǵan Elbasynyń «Bes áleýmettik bastamasyndaǵy» qarastyrylǵan barlyq máselelerge qarajat bólingendigi jáne bastamalardyń oryndalý júiesine tolyqtyrýlar men ózgerister engizilgendigin aitty. Sóz sońynda qatysýshylarǵa bes bastamada atalǵan baǵyttardy talqylap, oi bólisýge shaqyrdy.
«Daryn» syilyǵynyń laýreaty, aitysker-aqyn Ainur Tursynbaeva óz kezeginde bes bastama aiasynda bilim salasynda eńbek etip, jastardyń jeke tulǵa retinde qalyptasýyna negiz bolatyn oqytýshylardyń mártebesin kóterý jáne biliktiligin arttyrý baǵytynyń mańyzdylyǵyn atap ótti.
Jiyn sońynda Ýniversitetimizdiń Filologiia jáne kóptildi bilim berý institýttynyń direktory Baltabai Ábdiǵaziuly jáne 3 kýrs stýdenti, Jastar isi jónindegi komitettiń múshesi Didarbek Dildábek Elbasynyń 5 áleýmettik bastamasyn júzege asyrý joldary týraly oilaryn ortaǵa salyp, Úndeýde usynylǵan máseleler júieli túrde oryndalatyndyǵyna senim artatyndyqtaryn bildirdi.
Rimma JANBAEVA
https://dalanews.kz/34180
