Májilis depýtaty Ashat Aımaǵambetov 2026 jylǵy búdjette ne ózgeretinin aıtty, dep habarlaıdy Dalanews.kz.
Depýtattyń sózinshe, biraz máseleni sheshýge qosymsha qarajat bólingen. Sonyń ishinde mádenıet, tárbıe jáne qazaqsha kontent baǵyty bar.
"Qarjy mınıstrligi bizdiń 2025 jyly bergen túzetýlerimizdi eskerip, 2026 jylǵa mynadaı jobalarǵa qarjy qarastyrdy: 300 mln teńge qazaq tilindegi anımasıalyq múltfılmder jasaýǵa jáne olardy ınternet pen YouTube-ta taratýǵa; aıtys, jyr aıtý sıaqty shyǵarmashylyq baıqaýlar ótkizýge; "XXI ǵasyr kóshbasshysy" jáne "Azamat" sıaqty ıntellektýaldy telebaǵdarlamalar men "Jaıdarman" jobasyn qoldaýǵa (bólinedi - esk.). Sondaı-aq, halyqaralyq pándik olımpıadalar boıynsha ulttyq quramanyń júıeli daıyndalýyna jaǵdaı jasaý maqsatynda oqý-jattyǵý jıyndaryn ótkizýge arnaıy qarjy qarastyrdyq. Debat pen ózin-ózi basqarý qozǵalysyn mektepterde damytýǵa da qarjy bólindi", - dedi ol.
Ashat Aımaǵambetovtiń aıtýynsha, 2026 jylǵy búdjet jobasyn talqylaý barysynda sheshilgen bul bastamalardyń barlyǵynyń túpki maqsaty – adamdardyń ómir sapasyn arttyrý jáne bilim, ǵylym, mádenıet, til men densaýlyq salasynda naqty ózgeris jasaý.
Al bul máselege qatysty jeli qoldanýshylarynyń pikir qaq jarylǵan:
"Mynaý uıat nárse ǵoı", "Baıaǵy patshalar sekildi, qazirgi bılikke de ázilkeshter kerek", "Jaıdarman jaqsy ǵoı. Qansha jasty tárbıelep otyr".
