Alash ziialylary týraly iri jobalar túsirgen prodiýser Aisáýle Ábilda áleýmettik jelide Almaty politsiiasynyń áreketine qatysty mán-jaidy tolyq baiandap berdi, dep habarlaidy Dalanews.kz.
Buǵan deiin ol áleýmettik jelide Almaty politsiiasynyń áreketine kúiinip, kólik aidap, kúnin kórip júrgen jigitterdi politsiia túsirilim kezinde bir táýlikke qamaǵanyn jazdy.
"Osy oqiǵa bolǵan soń bizdiń 3 júrgizýshini qamap, kólikterin aiyppul turaǵyna qoiyp tastady. Biz bul oqiǵa oryn ala sala, politsiianyń hattamasyn kúttik. Ertesine Almaty qalasynyń ákimshilik quqyqbuzýshylyq jónindegi mamandandyrylǵan aýdanaralyq sotyna baryp, politsiiadaǵy qujattar kelgenin taǵy kúttik. Ol jerde meni sotqa qatystyrý jóninde ótinish jazdym, alaida ony qarap úlgermesten júrgizýshilerde ýatsappen onlain sot bastalyp ketti. Ol jerde 3 júrgizýshini de bir jylǵa kólik aidaý quqyǵynan aiyryp tastady. Kino ekenin, birinshi ret bolǵanyn, jartylai bolsa da ruqsatymyzdyń baryn, barlyq organdy eskertýge talpynǵanymyzdy eskergen joq", - dedi ol.
Prodiýserdiń sózinshe, aqysyna advokat jaldap, bir júrgizýshiniń qujattarymen qalalyq sotqa appeliatsiialyq shaǵym túsirgen.
"Onyń soty keshe bolyp, aldyńǵy sottyń sheshimi ózgerissiz qaldy", - dedi ol.
