25 qazan – Respýblika kúni. Bul mereke alǵash ret 1992 jyly bekitilip, 17 jyl boiy atap ótildi. 2009 jyly merekeler tiziminen alynyp tastalǵanymen, halyq ony umytqan joq. Araǵa 13 jyl salyp, Respýblika kúni qaita jańǵyrdy.
Merekeniń qaita oralýy
Memleket basshysy Qasym-Jomart Toqaev 2022 jyly 16 shildede ótken Ulttyq quryltaida Respýblika kúnin qaita atap ótýdi jáne oǵan ulttyq mereke mártebesin berýdi usyndy.
Osy bastamadan keiin, qyrkúiek aiynda Qazaqstan parlamenti «Qazaqstan Respýblikasyndaǵy merekeler týraly» zańǵa túzetýler engizip, 25 qazandy – ulttyq mereke, al 16 jeltoqsandy – memlekettik mereke retinde bekitti.
Tarihy men mańyzy
Respýblika kúni – Qazaqstannyń Memlekettik Egemendigi týraly deklaratsiia qabyldanǵan kúnmen tyǵyz bailanysty. 1990 jyly dál osy kúni Qazaq Keńestik Sotsialistik Respýblikasy alǵash ret óz egemendigin jariialap, táýelsiz memleket bolýǵa baǵyt aldy.
Bul qujat qazaq halqynyń bolashaq táýelsizdikke umtylysyn aiqyndap, el tarihyndaǵy jańa dáýirdiń bastamasy boldy.
Halyq jadyndaǵy mereke
2009 jyldan keiin resmi deńgeide toilanbasa da, halyq bul kúndi beiresmi túrde atap ótýdi jalǵastyrdy. Qoǵamda «Respýblika kúnin qaitarý kerek» degen pikir jii aitylyp, aqyry eldiń talaby oryndaldy.
Búginde Respýblika kúni – memleketimizdiń qalyptasýy men egemendik jolyndaǵy alǵashqy tarihi qadamnyń simvoly bolyp qaita oraldy.
