Aqtóbe oblysynyń ákimi Ashat Shaharovtyń tóraǵalyǵymen ótken otyrysta erekshe bilim berýdi qajet etetin balalarǵa teń bilim alý múmkindigin qamtamasyz etý máselesi talqylandy, dep habarlaidy Dalanews.kz.
Oblystyq bilim basqarmasynyń basshysy Bulbul Qúzembaevanyń málimetinshe, óńirde 9 753 múmkindigi shekteýli bala tirkelgen. Olardyń bilim alýyn qoldaý maqsatynda 31 arnaiy uiym jumys isteidi. Atap aitqanda, 5 psihologiialyq-meditsinalyq-pedagogikalyq konsýltatsiia (PMPK), 15 túzetý kabineti, 3 arnaiy mektep jáne aýtizmi bar balalarǵa arnalǵan ortalyq qyzmet kórsetedi.
Qazirgi ýaqytta oblystaǵy 92 balabaqshada 547 inkliýzivti top, al 347 mektepte 1 070 inkliýzivti synyp bar. Onda 3 811 bala bilim alýda. Sonymen qatar, 189 arnaiy pedagog pen 450-den astam kómekshi maman eńbek etip jatyr.
Sońǵy jyldary birneshe iri joba júzege asqan. «Aqbota» jáne oblystyq arnaiy balabaqshaǵa kúrdeli jóndeý júrgizilgen, 136 oryndyq «Juldyz» jańa balabaqshasy paidalanýǵa berilgen. Qazirgi ýaqytta taǵy eki nysannyń qurylysy júrip jatyr.
Basqarma basshysy birqatar ózekti máselegede toqtaldy. Atap aitqanda, defektologtarmen logopedterdiń jetispeýshiligi, PMPK jumysynyń shamadan tys júktelýi jáne arnaiy balabaqshalarǵa kezekte turǵan 501 balanyń bary – sheshimin qajet etetin máseleler qatarynda.
Oblys ákimi Ashat Shaharov Embi qalasynda jańa PMPK ashý jumystaryn jedeldetýdi, Q.Jubanov atyndaǵy AÓÝ men Aqtóbe gýmanitarlyq kolledjinde arnaiy mamandar daiarlaý baǵdarlamalaryn qaita qaraýdy jáne pedagogterdi yntalandyrý sharalaryn kúsheitýdi tapsyrdy.
«Árbir balanyń sapaly bilim alýǵa men damýǵa quqyǵy bar. Bul – qoǵamnyń kemeldigin kórsetetin mańyzdy kórsetkish», – dedi óńir basshysy.
