Álemge áigili boksshy Dmitrii Bivoldyń eks-jubaiy Ekaterina Bivol áleýmettik jelide túrli ult ókilderin qorlaityn beinejazba jariialap, kóptiń synyna ushyrady. Qyrǵyzstan Ishki ister ministrligi bul oqiǵaǵa dereý nazar aýdaryp, tergeýge deiingi tekseris bastalǵanyn málimdedi, dep habarlaidy Dalanews.kz.
Ekaterina Bivol Instagram paraqshasyna túrli ult ókilderin, sonyń ishinde qyrǵyz halqyn balaǵattap birneshe video júktegen. Qazir onyń paraqshasy jabyq tur. Alaida daýly videosy jelide tarap úlgerdi.
Jeli qoldanýshylary Bivoldyń áreketine quqyqtyq baǵa berip, jaýapqa tartýdy talap etip jatyr.
Qyrǵyzstan Ishki ister ministrligi atalǵan oqiǵaǵa dereý nazar aýdaryp, resmi málimdeme jasady.
"Internet keńistiginde taraǵan, túrli ult ókilderin qorlaityn beinerolikke qatysty tekseris bastaldy. Mundai áreketter ultaralyq syilastyq pen tózimdilik qaǵidattaryna qaishy keledi. Ár adam, qai jerde júrse de, moral men zań normalaryn saqtaýǵa, óshpendilik pen arazdyq týdyrmaýǵa mindetti", – dep habarlady vedomstvo.
Alaida Qazaqstan biligi bul máselege bailanysty ázirge eshqandai pikir bildirmedi.
Aita keteiik, Ekaterina Bivol buǵan deiin de qoǵamda daý týǵyzǵan. Burynǵy kúieýi men onyń anasyn qorlaǵany úshin Resei prokýratýrasy oǵan qatysty ákimshilik is qozǵap, eskertý jasaǵan. Al 2023 jyly erli-zaiyptynyń ajyrasqany belgili boldy.
