Ǵalymnyń Ál-Farabi kitaphanasynda ótken alǵashqy kóshbasshylyq dárisi «Ejelgi dáýirdegi demografiialyq damý kórsetkishi jáne adamzattyń bolashaǵy (matematikalyq modeldeý jáne kompiýterlik boljaý)» taqyrybyn qamtydy.
Ó.Joldasbekov atyndaǵy Stýdentter saraiynda ótken ekinshi dáris «Tsifrlyq ekonomika (nusqalar men boljamdar)» taqyrybyna arnaldy.
Kezdesýdi ashqan Ál-Farabi atyndaǵy Qazaq ulttyq ýniversitetiniń Basqarma Tóraǵasy – Rektory Janseiit Túimebaev Asqar Aqaiulynyń qyzmettik jolyna toqtalyp, álemdik ǵylymdaǵy jetistikterin atap ótti.
Asqar Aqaev óz dárisinde damyǵan ozyq memleketterdiń tsifrlyq ekonomikany qurýdaǵy tabystaryna taldaý jasap, damýshy elderdiń ekonomikalyq baǵyttaryna saraptama jasady. «Búginde dástúrli ekonomikaǵa qaraǵanda aqparat pen bilimge negizdelgen tsifrlyq ekonomikanyń matematikalyq taldaýymen qarqyndy jumys júrgizilýde. Klassikalyq ekonomikalyq dinamika Kobb-Dýglas tipiniń óndiristik fýnktsiiasyna negizdelgen, ol úsh negizgi faktorǵa – kapitalǵa, eńbekke jáne tehnologiialyq progreske bailanysty. Eń qiyn mindet – tehnologiialyq progresti modeldeý.
Sondyqtan tehnologiialyq progrestiń ekzogendik jáne endogendik modelderin jasaǵany úshin Nobel syilyǵy R.Soloý men P. Romerge berildi. Alaida bul modelderde aqparat óndirisiniń dinamikasy joq», – dedi professor.
Kórnekti ǵalym Asqar Aqaev tsifrlyq ekonomikanyń búgini men bolashaǵy týraly óz kózqarasyn usyna otyryp, ózi ázirlegen tsifrlyq dáýirge arnalǵan tehnologiialyq progrestiń aqparattyq modelderi jáne tsifrlyq ekonomikaǵa arnalǵan óndiristik fýnktsiia jaily baiandady. «Adam jáne intellektýaldy mashina úilesimi tsifrlyq dáýirde eń ónimdi kúshke ainalmaq». Osy stsenariidi iske asyrý úshin irgeli STEM-bilim alý qajettigi aityldy.
Kóshbasshylyq dárisinde úlken tájiribesimen bólisken akademik Asqar Aqaev oqytýshy-professorlar men bilim alýshy jastardyń suraqtaryna jaýap berdi.
Jiynda sóz alǵan QR UǴA prezidenti Murat Jurynov Asqar Aqaiulynyń Qazaqstan Respýblikasy Ulttyq ǵylym akademiiasynyń múshe-akademigi bolyp qabyldanǵanyn qýanyshpen jetkizip, arnaiy kýálik tabys etti.
Qazaqstan Respýblikasy men Qyrǵyz Respýblikasynyń halyq ártisi, Memlekettik syilyqtyń laýreaty Altynbek Qorazbaev «Narynnan jazǵan sálem hat» ánin oryndap, ánnen shashý shashty.
Qadirmendi qonaq QazUÝ basshylyǵyna qonaqjailylyǵy úshin alǵys bildire otyryp, Qazaqstan men Ortalyq Aziiadaǵy jetekshi ýniversitette kóshbasshylyq dáris oqyǵanyna rizashylyǵyn bildirdi.
Kezdesý sońynda rektor Janseiit Túimebaev QazUÝ Ǵylymi keńesiniń sheshimimen Asqar Aqaevty QazUÝ-dyń «Ál-Farabi» Altyn medalimen marapattady.
Kóshbasshylyq dáristerge QR UǴA akademikteri, belgili ǵalymdar, ǴZI basshylary, QazUÝ Direktorlar keńesiniń músheleri, qalamgerler, óner qairatkerleri, BAQ ókilderi, bilim ordasynyń oqytýshy-professorlar quramy men stýdentteri qatysty.
Sondai-aq qurmetti qonaq sapar barysynda QazUÝ murajaiymen tanysyp, sońǵy úlgidegi oqý ǵimarattaryn, jańarǵan aýditoriialardy, ǵylymi laboratoriia men zertteý ortalyqtaryn aralady.
Ál-Farabi atyndaǵy QazUÝ-dyń Baspasóz qyzmeti
