Tirkelý úshin portaldyń basty betindegi jármeńke bannerin basyp, ótinim berý kerek. Onda jármeńkege qatysý erejelerimen jáne baǵdarlamasymen tanysýǵa bolady.
Bos jumys oryndary jármeńkesinde jumys berýshiler onlain-tanystyrylym ótkizip, ózderiniń kompaniiasy, eńbek jaǵdaiy, bos jumys oryndary jáne ózge de aqparat týraly aityp beredi.
Jármeńkede 1300-den astam bos jumys ornyn Eýraziialyq topqa (ERG) jáne Respýblikalyq taý-ken óndirýshileri jáne taý-ken metallýrgiialyq kásiporyndar qaýymdastyǵynyń quramyndaǵy kompaniialar, «Kaspi Bank» AQ, «Qazaqstan Halyq Banki» AQ, «Ernst & Young Kazakhstan» JShS, «Evraziia grýpp Qazaqstan» JShS, «Magnum Cash & Carry» JShS, «Birinshi nesie biýrosy» JShS jáne basqa da kompaniialar usynady.
Qatysýshylar kompaniialardaǵy bos oryndarǵa qyzyǵýshylyq tanytqan jaǵdaida túiindemesin jibere alady. Sondai-aq, aldyn ala ótinim boiynsha qatysýshylardyń tizimi jasalady, olar kompaniianyń HR-menedjerimen onlain suhbattasa alady.
Elektrondy eńbek birjasyndaǵy onlain-jármeńkeni QR Eńbek jáne halyqty áleýmettik qorǵaý ministrligi men «Eńbek resýrstaryn damytý ortalyǵy» AQ birlesip uiymdastyrdy.
Jármeńke jumys izdeýshige jumys tabýdy jeńildetedi. Al jumys berýshilerge bos jumys ornyna laiyqty qyzmetker tabýǵa múmkindik beredi. Qazaqstandyqtardy jármeńkege belsene qatysýǵa shaqyramyz.
