18 qyrkúiekte Dostyq kóshesi, 12/1 mekenjaiyndaǵy 8 qabatty turǵyn úidiń birinshi qabatyndaǵy KaRima kafesinde órt shyqty, dep habarlaidy Dalanews.kz.
Ákimdik, TJD jáne qalalyq Politsiia departamenti birlesip, oqiǵa ornynda jedel shtab qurdy. Órt tez arada sóndirildi.
Zardap shekkender men qaza bolǵandar joq. Órttiń shyǵý sebebi anyqtalyp jatyr.
Órt saldarynan 8 páter turǵyndary zardap shekti. Turǵyndar qalanyń qonaqúilerine ýaqytsha ornalastyrylady. Sondai-aq barlyq baǵytta kómek kórsetiletin bolady.
Aldaǵy táýlik ishinde búlingen páterlerdi jóndeý jáne fasadty qalpyna keltirý jumysy KaRima kafesi ieleriniń qarajaty jáne ákimdiktiń qoldaýy esebinen bastalady.
