Kásiporyn bylǵarydan jasalǵan buiymdar men aiaq kiim shyǵaratyn iri óndirýshi jáne teri óńdeýden bastap daiyn ónim shyǵarýǵa deiingi tolyq óndiristik tsikli bar jalǵyz otandyq kásiporyn bolyp tabylady. Eki óndiriste de 500-den astam qyzmetker jumys isteidi. Kompaniianyń iesi ári basshysy Baýyrjan Naizaqulovty «Aq jol» dempartiiasy Taraz qalasy máslihaty depýtattyǵyna kandidat retinde usyndy.
– Birneshe jyl buryn osynda kelgende, kásiporyn negizinen Semeiden shikizat satyp alatyn, biraq keiin Semeidegi zaýyt bankrotqa ushyrady. Sondyqtan kásipker bylǵary óndirisin ózi quryp, daiyn ónim shyǵarý úshin terilerdi aýyldyq sharýashylyqtardan satyp alýǵa májbúr boldy. Mundai kásipkerlerdi qorǵap, qoldaý qajet. Sonymen qatar, kiim-keshek pen aiaq kiim infliatsiiaǵa jáne halyqtyń ál-aýqatyna tikelei áser etetin taýarlar, – dedi Azat Perýashev.
Jumysshylar nesie ósimi, baǵa turaqsyzdyǵy, baspananyń qoljetimsizdigi týraly oilaryn aitty.
Dempartiia lideri kásiporyn men eńbek ujymyn qoldaitynyn aityp, parlamentte «Aq jol» fraktsiiasy qurylǵannan keiin bul máselelerdi úkimet aldynda kóterýge daiyn ekenin málimdedi.
Sol kúni «Aq jol» dempartiiasy respýblikalyq shtabynyń músheleri Taraz qalasynyń turǵyndarymen kezdesti. Partiianyń saiasi baǵdarlamasy tanystyrylǵannan keiin erkin pikiralmasý órbip, partiia tóraǵasy jinalǵan qaýymnyń saýaldaryna jaýap berdi, sonyń ishinde baǵdarsham ornatý men kóshege jóndeý jumystaryn júrgizý týraly ótinishter aityldy. Bul máselelermen «Aqjoldyń» qalalyq máslihat depýtattyǵyna kandidattary ainalysýǵa ýáde berdi.
Qatysýshylardyń biri bankterdi QQS tóleýge májbúrleýdi usynyp, «aqjoldyqtardyń» bank salasyndaǵy oligarhtarmen kúreske jáne tabandylyq tanytýǵa ázirligi jóninde surady.
Búginde tabystaryn qatar qoiýǵa kelmese de, bankter azyq-túlik ónimderin óndirýshiler, tigin fabrikalary, qurylysshylarmen birdei kólemde tabys salyǵyn (UTS) tóleidi, al, sońǵylar oǵan qosa QQS-ty da tóleidi. Sondyqtan bankterdiń ekonomikaǵa qosar úlesindegi disproportsiiany QQS arqyly emes, bul ádistemelik turǵyda qate, bankter úshin 50-60% deńgeiinde joǵary UTS engizý arqyly joiý qajet. «Aq jol» dempartiiasy bul sharany óz baǵdarlamasynda usynyp otyr jáne jańa Salyq kodeksin talqylaý kezinde onyń qabyldanýyn talap etedi, – dedi A.Perýashev.
Ol «Aq jol» dempartiiasy 12 jyl boiy salalyq salyq mólsherlemelerin engizýdi talap etkenin, biraq úkimettiń buǵan árqashan qarsy bolǵanyn eske saldy. Endi jaǵdaidy túzetýge, ádiletti salyq saiasatyn qurýǵa naqty múmkindik bar. Al, bul parlamenttegi «Aq jol» fraktsiiasy kúresiniń tikelei nátijeleriniń biri.
Sonymen qatar, óńirdegi jastar jumyssyzdyǵy, jańa kásiporyndar, jańa jumys oryndaryn ashýǵa jaǵdaidyń joqtyǵy máseleleri de kóterildi.
«Aq jol» partiiasynyń basshysy bul máseleni memlekettiń investitsiialyq saiasatymen bailanystyrdy.
«Naryqtyq ekonomikasy bar elderde investitsiialyq jeńildikter keńinen qoldanylady, mysaly, investitsiianyń bir bóligin jańadan iske qosylǵan jáne tabysty jumys istep jatqan kásiporyndarǵa qaitarý. Nemese kásipker tabysynyń qýattylyqty keńeitý, jabdyqty jańartý jáne t.b. sekildi óndiriske qaita salynǵan bóligin salyqtan bosatý.
Respýblikalyq shtab músheleri sailaýshylardyń sózderi men usynystaryn nazarǵa alyp, 19 naýryzda «Aq jol» dempartiiasyn qoldaý úshin sailaý ýchaskelerine kelýge shaqyrdy.
Aldaǵy ýaqytta Taraz metallýrgiialyq zaýyty, farmatsevtikalyq kompaniia jáne qala bazarynyń kásipkerlerimen kezdesýler ótedi.
*Materialdyń aqysy «Aq jol» demokratiialyq partiiasynyń sailaý qorynan tólendi.
