Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Almaty oblysynda alǵashqy aýyldyq tirek mektep jabdyqtaldy

Dalanews
Almaty oblysynda alǵashqy aýyldyq tirek mektep jabdyqtaldy
Jambyl aýdany, Uzynaǵash aýylyndaǵy Turar Rysqulov atyndaǵy orta mektep «Qazaqstan halqyna» qoǵamdyq qorynyń Bilim berýdi turaqty damytý qorymen birlesip iske asyratyn «Aýyldyq jerlerdegi tirek mektepterdiń áleýetin damytý» qaiyrymdylyq baǵdarlamasyna kiriktirildi, sonyń arqasynda bilim ordasyndaǵy materialdyq - tehnikalyq baza men synyptar jańartyldy, dep habarlaidy óńirlik baspasóz qyzmeti.

Jańǵyrýdan ótken mektep «Ashyq esik kúni» aiasynda tanystyryldy.

Sharaǵa, Almaty oblysynyń ákimi Marat Sultanǵaziev, «Qazaqstan halqyna» qorynyń Basqarma tóraǵasy Bolat Jámishev, «NZM» DBBU Basqarma tóraǵasy Kúlásh Shámshidinova sondai-aq , oblystyq bilim basqarmasynyń basshysy Saltanat Bespaeva qatysty.

Baǵdarlama aiasynda NZM jaraqtandyrý standarty boiynsha 37 oqý kabineti men sheberhanasy, STEM-zerthana, ART-stýdiia, intellektýaldyq holl, kitaphana jáne telestýdiia jańartyldy.

Jańasha sipatka engen mektepti kózben kórgen oblys ákimi Marat Eleýsizuly, bilim salasynyń damýy – búginde qoǵam damýynyń basty kórsetkishi ekenin alǵa tartty.

Sondai-aq, aimaq basshysy óz sózinde,
osy baǵdarlamany júzege asyrǵan jaýaptylarǵa alǵysyn bildirdi.

Sonymen qatar, Marat Eleýsizuly «Jaily mektep» ulttyq jobasynyń óńirde júzege asýyna toqtalyp, 2023-2025 jyldary aiasynda oblysta 68 200 oryndyq 63 mekteptiń qurylysyn salý kózdelgenin jetkizdi.

Jańǵyrýdan ótken, bilim oshaǵynda 2083 oqýshy tálim alsa, 219 pedagog eńbek etedi.

Mektep basshylyǵy, materialdyq-tehnikalyq bazany jańartý jáne pedagogtardy oqytýdyń arqasynda aýyl mektebi óz áleýeti men tájiribesin aýdannyń basqa mektepterimen bólisýge múmkindik aldy dep, júrek jardy qýanyshtarymen bólisýde.

Al, «Qazaqstan halqyna» qorynyń Basqarma tóraǵasy Bolat Jámishev tanystyrylym kezinde, jobanyń basty mindeti - aýyldyq jerlerde tirek mektepterdi damytý bolyp tabylatynyn jáne aimaqtaǵy bilim sapasyn arttyrý úshin NZM áleýeti men resýrstary jumyldyrylǵandyǵyn aitty.

« «Aýyldyq jerlerde tirek mektepterdiń áleýetin damytý» baǵdarlamasy boiynsha «Qazaqstan halqyna» qory 17 aýyldyq tirek mektepterin qurýdy josparlap otyr»,-dedi Bolat Jámishev.

Búgingi tańda Qor 16 tirek aýyl mektebiniń muǵalimderin oqytý kýrstary men taǵylymdamadan ótkizý túrinde ádisnamalyq kómek kórsetkenin atap ótken abzal.

Esterińizge salamyz, Qor mektepti jaraqtandyrýǵa 249 mln 825 myń teńge jumsaǵan.
Madina Sádýaqasova

Oqi otyryńyz