جاڭعىرۋدان وتكەن مەكتەپ «اشىق ەسىك كۇنى» اياسىندا تانىستىرىلدى.
شاراعا، الماتى وبلىسىنىڭ اكىمى مارات سۇلتانعازييەۆ، «قازاقستان حالقىنا» قورىنىڭ باسقارما ءتوراعاسى بولات جامىشيەۆ، «نزم» دببۇ باسقارما ءتوراعاسى كۇلاش ءشامشيدينوۆا سونداي-اق ، وبلىستىق ءبىلىم باسقارماسىنىڭ باسشىسى سالتانات بەسپايەۆا قاتىستى.
باعدارلاما اياسىندا نزم جاراقتاندىرۋ ستاندارتى بويىنشا 37 وقۋ كابينەتى مەن شەبەرحاناسى، STEM-زەرتحانا، ارت-ستۋديا، ينتەللەكتۋالدىق حولل، كىتاپحانا جانە تەلەستۋديا جاڭارتىلدى.
جاڭاشا سيپاتكا ەنگەن مەكتەپتى كوزبەن كورگەن وبلىس اكىمى مارات ەلەۋسىز ۇلى، ءبىلىم سالاسىنىڭ دامۋى – بۇگىندە قوعام دامۋىنىڭ باستى كورسەتكىشى ەكەنىن العا تارتتى.
سونداي-اق، ايماق باسشىسى ءوز سوزىندە،
وسى باعدارلامانى جۇزەگە اسىرعان جاۋاپتىلارعا العىسىن ءبىلدىردى.
سونىمەن قاتار، مارات ەلەۋسىز ۇلى «جايلى مەكتەپ» ۇلتتىق جوباسىنىڭ وڭىردە جۇزەگە اسۋىنا توقتالىپ، 2023-2025 جىلدارى اياسىندا وبلىستا 68 200 ورىندىق 63 مەكتەپتىڭ قۇرىلىسىن سالۋ كوزدەلگەنىن جەتكىزدى.
جاڭعىرۋدان وتكەن، ءبىلىم وشاعىندا 2083 وقۋشى ءتالىم السا، 219 پەداگوگ ەڭبەك ەتەدى.
مەكتەپ باسشىلىعى، ماتەريالدىق-تەحنيكالىق بازانى جاڭارتۋ جانە پەداگوگتاردى وقىتۋدىڭ ارقاسىندا اۋىل مەكتەبى ءوز الەۋەتى مەن تاجىريبەسىن اۋداننىڭ باسقا مەكتەپتەرىمەن بولىسۋگە مۇمكىندىك الدى دەپ، جۇرەك جاردى قۋانىشتارىمەن بولىسۋدە.
ال، «قازاقستان حالقىنا» قورىنىڭ باسقارما ءتوراعاسى بولات جامىشيەۆ تانىستىرىلىم كەزىندە، جوبانىڭ باستى مىندەتى - اۋىلدىق جەرلەردە تىرەك مەكتەپتەردى دامىتۋ بولىپ تابىلاتىنىن جانە ايماقتاعى ءبىلىم ساپاسىن ارتتىرۋ ءۇشىن نزم الەۋەتى مەن رەسۋرستارى جۇمىلدىرىلعاندىعىن ايتتى.
« «اۋىلدىق جەرلەردە تىرەك مەكتەپتەردىڭ الەۋەتىن دامىتۋ» باعدارلاماسى بويىنشا «قازاقستان حالقىنا» قورى 17 اۋىلدىق تىرەك مەكتەپتەرىن قۇرۋدى جوسپارلاپ وتىر»،-دەدى بولات جامىشيەۆ.
بۇگىنگى تاڭدا قور 16 تىرەك اۋىل مەكتەبىنىڭ مۇعالىمدەرىن وقىتۋ كۋرستارى مەن تاعىلىمدامادان وتكىزۋ تۇرىندە ءادىسنامالىق كومەك كورسەتكەنىن اتاپ وتكەن ابزال.
ەستەرىڭىزگە سالامىز، قور مەكتەپتى جاراقتاندىرۋعا 249 ملن 825 مىڭ تەڭگە جۇمساعان.
