Aqbókenderdiń sanyn retteý jumystaryn «Ohotzooprom» RMK qyzmetkerleri júzege asyrady. Aqbókenniń soiylǵan ushalary refrijeratorlarǵa salynyp, soiý pýnktterine jetkizedi. Áleýmettik jeliler men keibir buqaralyq aqparat quraldarynda taralyp jatqan aqbóken etiniń qaýpi jaiyndaǵy aqparat shyndyqqa sáikes kelmeidi.
Janýarlardyń asa qaýipti aýrýlaryn (usaq kúiis qaiyratyn janýarlardyń obasy, aýsyl, brýtsellez, pasterellez, sibir jarasy jáne taǵy basqa) boldyrmaý maqsatynda aqbókenderdiń búkil popýliatsiiasyna Ulttyq veterinariia referenttik ortalyǵy turaqty túrde epizootiialyq monitoring júrgizedi.
Sonymen qatar, aqbókendermen ortaq jaiylymdar men sýattarda aýyl sharýashylyǵy janýarlaryna da veterinariialyq qyzmet turaqty túrde monitoringtik zertteýler júrgizip otyrady.
Aita ketý kerek, aqbókenderdi soiý jáne biologiialyq qaldyqtardy zalalsyzdandyrý boiynsha tiisti normativter qabyldanǵan. 2023 jylǵy 27 qarashada QR ST «Saiǵaq eti buqtyrylǵan. Tehnikalyq sharttar» jáne QR ST «Saiǵaq eti – tutas jáne jartylai ushalar. Jalpy tehnikalyq sharttar» ulttyq standarttary bekitilgen.
Qazirgi ýaqytta aqbókenderdiń sanyn retteý jumystaryna 6 oblystaǵy 24 soiý pýnkti jumyldyrylǵan. Barlyq soiý obektileri veterinariialyq-sanitariialyq talaptarǵa sai (mal soiýǵa arnalǵan arnaiy bólmeler, tońazytqysh kameralar, ushalardy ilýge arnalǵan quraldar, sýmen jabdyqtaý jáne t.b.).
Ushalar soiý oryndaryna jetkizilgen soń, olar veterinariialyq dárigerlerdiń baqylaýynan ótip, veterinariialyq-sanitariialyq saraptamadan ótkiziledi.
Bul rette, aqbóken etine mindetti zertteýler júrgiziledi, olar: ushanyń, ishki aǵzalardyń jáne basynyń organoleptikalyq qaraýy; barlyq qoljetimdi limfa túiinderin jaryp, ishki aǵzalardy tilip tekserý; qainatý synamasy; finnozǵa (tsistitserkoz) zertteý; jalpy radiatsiialyq fondy anyqtaý.
Ushanyń veterinariialyq talaptarǵa sáikestigi anyqtalǵan jaǵdaida, et ári qarai bólshektelip, óńdeledi, al qaldyqtar zalalsyzdandyrylady.
Aqbókennen alynǵan ónim veterinariialyq dárigerler bergen anyqtamamen súiemeldenedi. Bul qujat ónimniń shyqqan jerin, qaýipsizdigin jáne sapasyn rastaidy.
Ótkiziletin janýarlardan alynatyn ónimder veterinariialyq-sanitariialyq qaýipsizdik talaptaryna sai bolýy qajet.
Qazaqstan Respýblikasynyń «Veterinariia týraly» Zańynyń 22-babyna sáikes, janýarlardan alynatyn ónimder men shikizatty veterinariialyq-sanitariialyq saraptamasyz ótkizýge tyiym salynady.
Sonymen qatar, ishki saýda nysandarynda veterinariialyq inspektorlar kúndelikti baqylaý júrgizedi. Olar: veterinariialyq anyqtamanyń jáne soiý ornynyń tańbasynyń bolýyn; ónimdi tasymaldaý kezinde temperatýralyq rejimniń saqtalýyn; zerthanalyq baqylaý nátijelerin tekseredi.
Osyǵan bailanysty, Veterinariialyq baqylaý jáne qadaǵalaý komiteti tutynýshylarǵa aqbóken etin arnaiy belgilengen oryndardan jáne veterinariialyq ilespe qujattar bolǵan jaǵdaida ǵana, tamaqtaný jáne veterinariialyq-sanitariialyq qaýipsizdik talaptaryna sáikes satyp alýdy usynady.
Qazaqstan Respýblikasy Aýyl sharýashylyǵy ministrligi
Veterinariialyq baqylaý jáne qadaǵalaý komiteti
