Astana qalasynyń Jumyspen qamtý jáne áleýmettik qorǵaý basqarmasy jyl saiyn shamamen 200 myń adamdy áleýmettik qoldaýmen qamtidy. Zeinetkerlerge, soǵys ardagerlerine, múgedektigi bar azamattarǵa, kópbalaly jáne áleýmettik az qamtylǵan otbasylarǵa tegin qyzmetter men aqshalai tólemder túrinde kórsetiledi. 2025 jyldyń alǵashqy jartyjyldyǵynda atqarylǵan jumys jóninde qalalyq Kommýnikatsiialar qyzmetinde ótken brifingte basqarma basshysy Ilia Skýb baiandady,- dep habarlaidy Dalanews.kz
Búginde elordada 35 myńnan astam kópbalaly otbasy, «Altyn alqa», «Kúmis alqa» ielengen 7 myńnan astam ana, 38 myńnan asa múgedektigi bar azamat jáne múgedektigi bar balany tárbielep otyrǵan 10 myń otbasy turady.
Áleýmettik az qamtylǵan azamattarǵa ataýly áleýmettik kómek (AÁK) kórsetiledi. Jyl basynan beri 1 359 otbasy (6 930 adam) AÁK aldy.
Kórsetilgen merzimde qatty otyn satyp alý úshin (tólem mólsheri – 16 AEK) 92 otbasyǵa kómek kórsetildi.
Turǵyn úilerdi gazdandyrý úshin 80 otbasyǵa 130 AEK mólsherinde qarajat bólindi.
2025 jyly tis protezin salý qyzmetin 1 418 adam, aýyz qýysy tazalyǵyn qamtamasyz etý qyzmetin 1 406 adam, jeńildikpen sanatorii-kýrorttyq emdi 2 771 adam paidalandy.
Qazirgi tańda elordanyń joǵary oqý oryndarynda kúndizgi oqý nysany boiynsha oqýǵa tólenetin jyl saiynǵy áleýmettik kómekke ótinimder qabyldanyp jatyr. Bul kómekke kelesi sanattaǵy mektep túlekteri úmitker bola alady:
• jetim balalar;
• balalar úiiniń túlekteri;
• bala kezinen múgedektigi bar adamdar;
• ata-anasynyń qamqorlyǵynsyz qalǵan balalar;
• kópbalaly otbasylardan shyqqan balalar (onyń ishinde biyl kámelet jasyna tolǵan aǵa-ápkesi oqý ornyna túskenge deiin);
• asyraýshysynan aiyrylýyna bailanysty memlekettik járdemaqy alatyn azamattar.
Ótinim qabyldaý biyl 23 tamyzǵa deiin jalǵasady.
«Basqarmanyń basym baǵyttarynyń biri – múgedektigi bar adamdardy áleýmettik qoldaý jáne ońaltý. Qalada shamamen 38 myń múgedektigi bar adam turady. 2025 jyldyń alǵashqy alty aiynda Áleýmettik qyzmetter portaly arqyly 21 705 birlik ońaltý tehnikalyq quraldary men qyzmetterimen qamtamasyz etildi. Onyń ishinde:
ońaltý quraldarymen (júrip-turýǵa arnalǵan quraldar, sýrdo-, tiflotehnikalyq, gigienalyq quraldar, protez-ortopediialyq kómek) – 14 756 adam;
ońaltý qyzmetterimen 7 450 adam, olardyń ishinde ymdaý tili mamanymen 539 adam, jeke kómekshimen 2 764 adam, sanatorii-kýrorttyq emmen 3 646 adam qamtyldy», – dedi Ilia Skýb.
Qozǵalysy shekteýli jáne múgedektigi bar balalarǵa «Invataksi» tegin kólik qyzmeti kórsetiledi. Qalada bul qyzmet 5 baǵyt boiynsha 129 avtokólikpen (26 arnaiy jabdyqtalǵan jáne 101 jeńil kólik) júzege asyrylady. Kúnine orta eseppen 1 167 tasymal jasalady.
Invataksi sany 2022 jyly 80 bolsa, 2023 jyly 117-ge deiin artty. Qyzmet alýshylar sany 1 186 adamǵa kóbeidi. Qazirgi ýaqytta jalpy alǵanda 2 778 adam qyzmet alady.
2025 jyldyń naýryzynan bastap múgedektigi bar adamdardyń qyzmet alǵanyn rastaý úshin «Smart Astana» qosymshasy arqyly QR-kod júiesi engizildi.
Qyzmet alýshylardy tolyq qamtý, invataksi qyzmetin kórsetý mehanizmin ózgertý, sapasy men jyldamdyǵyn arttyrý maqsatynda elordada «Iandeks Go» servisi arqyly pilottyq joba jalǵasyp jatyr.
Pilottyq joba iske qosylǵaly 1 098 adam qatysyp, 200 myń tasymal oryndalǵan.
Jumyspen qamtý basqarmasy sondai-aq 11 vedomstvolyq mekemeniń jumysyn úilestiredi:
Onyń ishinde 7 mekeme arnaiy áleýmettik qyzmetter kórsetedi. Olar biyl 7 450 múgedektigi bar adamdy qamtydy.
«Elordanyń eńbek naryǵyndaǵy jaǵdai turaqty, erekshe baqylaýda. Eseptik kezeńde 10 052 adam jumyspen qamtý sharalarymen qamtyldy, onyń ishinde 35 jasqa deiingi 5 117 jas bar. Atap aitqanda, turaqty jumysqa ornalasqandar – 1 331, qoǵamdyq jumysqa – 2 522, jastar tájiribesine – 280, áleýmettik jumys oryndaryna – 202, «Kúmis jas» jobasy aiasynda – 565, «Bastaý Biznes» jobasy boiynsha oqýǵa – 1 993, onlain formatta suranysqa ie daǵdylar boiynsha oqýǵa – 985 adam qatysty, 2 056 adam áleýmettik kásibi baǵdarǵa baǵyttaldy, 39 adam kásibi oqýdan ótti, 61 grant berildi.
Kásipkerlik bastamalardy qoldaý aiasynda áleýmettik osal toptardaǵy azamattarǵa 65 grant maquldandy. Jalpy alǵanda osy sanattaǵy azamattarǵa 125 grant berý josparlanǵan», – dedi spiker.
«Elektrondy eńbek birjasy» internet-portalynda 744 jumys berýshi 7 125 bos jumys ornyn ornalastyrǵan.
Jastar men basqa da azamat sanattaryn jumysqa ornalastyrý múmkindigin keńeitý maqsatynda bos jumys oryndaryna arnalǵa 25 jármeńke ótti.
Óńirlik jumys oryndaryn qurý kartasyn iske asyrý aiasynda 16 107 jumys orny ashylǵan.
