Aqtaý qalasynyń prokýratýrasy munai óńdeýmen ainalysatyn “Mangystau OilRefining” JShS-de jalaqy tóleý tártibiniń zańǵa sáikestigin tekserdi, dep habarlaidy Dalanews.kz.
Mańǵystaý oblysy prokýratýrasynyń málimetinshe, qańtardan naýryzǵa deiin atalǵan kásiporynda 241 jumysshy eńbekaqysyn ala almaǵan. Jalpy bereshek somasy — 197 million teńgeni quraǵan.
"Prokýrorlyq qadaǵalaý nátijesinde qyzmetkerlerdiń konstitýtsiialyq quqyqtary qorǵalyp, jalaqy tolyǵymen tólendi", – delingen resmi habarlamada.
Osyǵan bailanysty eńbekaqy tóleýde olqylyqqa jol bergen kompaniia basshylyǵy ákimshilik jaýapkershilikke tartyldy.
Aita keteiik, buǵan deiin Taraz qalasynyń prokýratýrasy da eńbek jáne zeinetaqy zańnamasynyń buzylǵanyn anyqtaǵan bolatyn. “Jasyl El Taraz” JShS qala aýmaǵyn tazalaý jáne abattandyrýmen ainalysa otyryp, jyl basynan beri 605 qyzmetkerdiń zeinetaqy jarnalaryn aýdarmaǵan. Jinalǵan bereshek 24 million teńgeni qurady. Bul áreket 742 azamattyń quqyǵynyń buzylýyna alyp kelgen.
