Elimiz boiynsha aýyl ákimderin sailaý isi júzege asqany kópshilikke málim. Aýyl ákimderin sailaý naýqanynda «AMANAT» partiiasynyń atynan túsken kandidattar top jarǵanyn da bilemiz. Osylaisha kópten kútken reforma iske asyp, úlken ózgeriske start berilildi. Osy rette «AMANAT» partiiasy jyl basynan aýyldy basqarý múmkindigine ie bolǵan partiialas áriptesteriniń iskerilik biliktiligin kóterý úshin «Ákimder mektebi» jobasyn qolǵa alyp, aýyl ákimderiniń biliktiligin qolǵa aldy. Ótken aptada QR Palamneti Májilis Spikeri, «AMANAT» partiiasynyń Tóraǵasy Erlan Qoshanov pen vitse-premer Qanat Bozymbaev «Ákimder mektebi» jobasymen tanysyp, oǵan sáttilik tilegen edi. Qazaqstanda aýyl ákimderin sailaý júiesi iske qosylǵannan keiin, olardyń basqarýshylyq qabiletin arttyrý qajettiligi týyndaǵany sózsiz. Osy oraida, Memlekettik qyzmet agenttigi men «AMANAT» partiiasy aýyl ákimderin oqytý baǵdarlamasyn qolǵa aldy.
Kúni keshe ǵana tutas elimiz boiynsha bastaý alǵan sharanyń Jetisý oblysynda qalai júzege asqanyn kózben kórip, tamashalady.
Jetisý oblysy «AMANAT» partiiasynyń filialy «Ákimder mektebi» jobasy jumysyn bastaǵanyna kýá boldyq. «AMANAT» partiiasynyń filialy oblystaǵy Prezident janyndaǵy Memlekettik basqarý akademiiasynyń bólimshesimen tize qosyp, óńirdegi aýyl ákimderiniń bilimi men biliktiligin jetildirýge kirisip ketti. Aitýly sharaǵa QR Memlekettik qyzmet isteri agenttiginiń tóraǵasy Darhan Jazyqbaev «Ákimder mektebi» jobasyna qatysyp, biliktiligin shyńdaýǵa úles qosqan aýyl ákimderine sáttilik tiledi.
Bul bastama aýyl ákimderiniń kásibi deńgeiin kóterip, óńirlerdiń áleýmettik-ekonomikalyq damýyn qamtamasyz etýge baǵyttalǵan. «AMANAT» partiiasy aýyl ákimderiniń biliktiligin kóterý úshin arnaiy «Ákimder mektebi» jobasyn iske qosty. Bul bastama jergilikti basqarý sapasyn jaqsartýǵa jáne aýyldyq okrýgterdegi ekonomikalyq ósimdi arttyrýǵa baǵyttalǵan.
Oqytý baǵdarlamasy 240 akademiialyq saǵatty qamtidy, onyń 100 saǵaty aýyldyq okrýgterdiń skriningin júrgizý men jeke qosalqy sharýashylyqtardyń (JQSh) ekonomikalyq áleýetin taldaýǵa arnalady. Sonymen qatar, ákimderge 17 oqý modýli boiynsha oqytý júrgiziledi.
Bul – kýrstar praktikalyq jattyǵýlar, treningter jáne tájiribeli sarapshylarmen kezdesýler arqyly júzege asyrylady. Oqytý Prezident janyndaǵy Memlekettik basqarý akademiiasy bazasynda, oblystyq filialdar arqyly uiymdastyrylady. 17 aqpanynan bastap Qazaqstannyń 17 óńirinde aýyldyq okrýgterdiń ákimderin kópsalaly oqytý bastalady.
Qazaqstan Prezidenti Qasym-Jomart Toqaev óz Joldaýynda aýyl ákimderin tikelei sailaý júiesiniń engizilgenin jáne olardyń 60%-y memlekettik qyzmette buryn jumys istemegenin atap ótti. Bul aýyl ákimderine jańa talaptar qoiylatynyn kórsetedi. Sol sebepti, Úkimet ákimderdiń basqarýshylyq qabiletterin jetildirý boiynsha keshendi oqytý baǵdarlamasyn ázirledi.
Ákimder aýyl ekonomikasyn damytý úshin óz jobalaryn ázirleidi jáne olardy qorǵaýǵa mindetti. Bul – olardyń teoriialyq bilimderin tájiribemen ushtastyrýyna múmkindik beredi. Sonymen qatar, aýyl ákimderi marketingtik zertteýler, kooperatsiia jobalaryn jasaý, shikizatty óńdeý múmkindikteri siiaqty ekonomikalyq ósý faktorlaryn zertteidi.
Aýyl ákimderiniń biliktiligin arttyrý – jergilikti basqarýdy kúsheitýdiń mańyzdy qadamy. Bul bastama arqyly aýyldyq aimaqtarda jańa deńgeidegi basqarý mádenieti qalyptasyp, ekonomikalyq ósimge serpin beriledi. Qazaqstannyń 7,5 million aýyl turǵyny úshin bul baǵdarlama sapaly basqarý men turaqty damýdyń kepili bolmaq.
Nurlan JUMAHAN
