Almaty oblysynda sý tasqyny jaǵdaıyna baılanysty kúndelikti monıtorıń júrgizilip jatyr. Tótenshe jaǵdaılardyń aldyn alý úshin jańadan ázirlengen "Tasqyn" aqparattyq júıesi engizilip, mamandar arnaıy oqytylýda, - dep habarlaıdy Dalanews.kz.
Bul júıeni Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrligi ázirlegen.
Oblysta sý deńgeıin baqylaý úshin 42 gıdropost ornatyldy, onyń ishinde 27-si "Qazgıdrometke", al 15-i "Qazseldenqorǵaý" mekemesine tıesili. Baqylaý nátıjesinde ózen arnalarynyń sý ótkizý qabileti turaqty ekeni anyqtaldy. Aımaqtaǵy "Qapshaǵaı", "Kúrti", "Bartoǵaı" jáne "Bestóbe" sý qoımalarynda sý toltyrý shtattyq rejımde júrgizilýde. Búginde sý toltyrý deńgeıi 31%-dan 92%-ǵa deıingi kórsetkishterdi quraıdy: Bestóbe – 30,5% Kúrti – 53,9% Bartoǵaı – 78,3% Qapshaǵaı – 92,6% Qalǵan sý qoımalary tranzıttik rejımde jumys istep, turaqty monıtorıń júrgizilýde. Oblystyń 4 aýdanynda sý tasqyny qaýpi joǵary dep tanylǵan 13 ýchaske anyqtaldy. Bul aımaqtarda 11 myńnan astam turǵyn úı jáne 34 myńnan astam adam turady.
Sý tasqyny qaýpin azaıtý úshin kelesi jumystar atqaryldy: 63,6 km aryq pen 30 km kanal tazartyldy. 78 sý ótkizý qubyry (avtomobıl jáne temirjol astyndaǵy) qalpyna keltirildi. Eldi mekenderden qar shyǵarý úshin 6 arnaıy oryn belgilendi, merdigerlik uıymdarmen kelisim jasaldy. 17 myń m³ qar shyǵaryldy. Tótenshe jaǵdaılardyń aldyn alý sharalary aýdandar joǵary deńgeıde uıymdastyryldy.
Sý tasqynyna qarsy is-sharalar úshin oblysta 1136 maman jáne 347 arnaıy tehnıka daıyndaldy. Onyń ishinde: 155 birlik – traktor, búldozer, ekskavator 108 birlik – kran, tıegish, samosval 65 birlik – evakýasıalyq tehnıka 19 birlik – joǵary ótimdi tehnıka (trekol, ÝAZ, t.b.) 130 motopompa, 36 júzý quraly 8,2 myń tonna ınertti materıal, 81,5 myń qap 76 tonna janar-jaǵarmaı (48 tn benzın, 28 tn dızel otyny) Barlyq tehnıkanyń daıyndyǵy tekserildi.
Sonymen qatar, Almaty qalasy men Almaty oblysynyń shekaralas aýdandaryndaǵy ózenderdiń deńgeıi erekshe baqylaýǵa alyndy. Oblystyń tótenshe jaǵdaılar qyzmetteri barlyq aýdandar men qalalar ákimdikterimen tyǵyz baılanysta jumys isteýde. Sý tasqyny qaýpi bar ýchaskelerde aldyn alý sharalary kúsheıtilip, baqylaý jumystary júrgizilýde.
Qazirgi tańda óńirdegi sý tasqyny jaǵdaıy turaqty jáne qatań baqylaýda.
