Qorqyt ata atyndaǵy Qyzylorda ýniversitetinde Adam quqyqtary jónindegi ýákil Artýr Lastaevtyń konstitýtsiialyq reformalar aiasyndaǵy adam quqyqtary men bostandyqtaryn qorǵaý máselelerine arnalǵan dárisi ótti, dep habarlaidy dalanews.kz.
Sóz sóileý barysynda Ombýdsmen stýdentterge adam quqyqtary salasyndaǵy negizgi halyqaralyq standarttar, Ombýdsmen institýtynyń qyzmeti, sondai-aq azaptaýlar men qatygez qarym-qatynastyń aldyn alý jónindegi Ulttyq aldyn alý tetiginiń róli týraly aityp berdi.
Qazaqstan Respýblikasynyń jańa Konstitýtsiiasyndaǵy adam quqyqtaryn qorǵaýǵa qatysty erejelerge erekshe nazar aýdaryldy. Artýr Lastaev Ata zańda adam quqyqtary men bostandyqtarynyń memlekettiń eń joǵary qundylyǵy retinde bekitilgenin, sondai-aq sot arqyly qorǵalý, jeke basyna qol suǵylmaýshylyq kepildikteri men azaptaýǵa tyiym salý normalarynyń kúsheitilgenin atap ótti.
Is-shara sońynda ashyq pikirtalas ótip, onyń aiasynda stýdentter ózderin qyzyqtyrǵan suraqtaryn qoiyp, adam quqyqtaryn qorǵaýdyń ózekti máselelerin talqylady.
