قورقىت اتا اتىنداعى قىزىلوردا ۋنيۆەرسيتەتٸندە ادام قۇقىقتارى جٶنٸندەگٸ ۋەكٸل ارتۋر لاستاەۆتىڭ كونستيتۋتسييالىق رەفورمالار اياسىنداعى ادام قۇقىقتارى مەن بوستاندىقتارىن قورعاۋ مەسەلەلەرٸنە ارنالعان دەرٸسٸ ٶتتٸ, دەپ حابارلايدى dalanews.kz.
سٶز سٶيلەۋ بارىسىندا ومبۋدسمەن ستۋدەنتتەرگە ادام قۇقىقتارى سالاسىنداعى نەگٸزگٸ حالىقارالىق ستاندارتتار, ومبۋدسمەن ينستيتۋتىنىڭ قىزمەتٸ, سونداي-اق ازاپتاۋلار مەن قاتىگەز قارىم-قاتىناستىڭ الدىن الۋ جٶنٸندەگٸ ۇلتتىق الدىن الۋ تەتٸگٸنٸڭ رٶلٸ تۋرالى ايتىپ بەردٸ.
قازاقستان رەسپۋبليكاسىنىڭ جاڭا كونستيتۋتسيياسىنداعى ادام قۇقىقتارىن قورعاۋعا قاتىستى ەرەجەلەرگە ەرەكشە نازار اۋدارىلدى. ارتۋر لاستاەۆ اتا زاڭدا ادام قۇقىقتارى مەن بوستاندىقتارىنىڭ مەملەكەتتٸڭ ەڭ جوعارى قۇندىلىعى رەتٸندە بەكٸتٸلگەنٸن, سونداي-اق سوت ارقىلى قورعالۋ, جەكە باسىنا قول سۇعىلماۋشىلىق كەپٸلدٸكتەرٸ مەن ازاپتاۋعا تىيىم سالۋ نورمالارىنىڭ كٷشەيتٸلگەنٸن اتاپ ٶتتٸ.
ٸس-شارا سوڭىندا اشىق پٸكٸرتالاس ٶتٸپ, ونىڭ اياسىندا ستۋدەنتتەر ٶزدەرٸن قىزىقتىرعان سۇراقتارىن قويىپ, ادام قۇقىقتارىن قورعاۋدىڭ ٶزەكتٸ مەسەلەلەرٸن تالقىلادى.
