Búgin Jetisý oblysynda respýblikalyq «Taza Qazaqstan» ekologiialyq baǵdarlamasy aiasynda mektep túlekteriniń qatysýymen aýqymdy aǵash jáne gúl kóshetterin otyrǵyzý aktsiiasy ótti. Ekologiialyq bastama jastardyń týǵan jerge degen súiispenshiligin arttyryp, tabiǵatty aialaý mádenietin qalyptastyrýǵa baǵyttaldy, dep habarlaidy dalanews.kz.
Igi sharaǵa oblys boiynsha jalpy sany 32 023 túlek qatysty. Mektep bitirýshi jastar týǵan ólkesiniń kórkeiýine óz úlesterin qosyp, bolashaqqa degen izgi nietterin jasyl jelek otyrǵyzý arqyly jetkizdi.
Aktsiia nátijesinde óńir aýmaǵynda 1 352 aǵash jáne 2 389 gúl kósheti otyrǵyzyldy. Sóitip mektep bitirýshilerdiń óz qoldarymen ekken kóshetteri olardyń týǵan mektepterimen, balalyq shaǵymen jáne týǵan ólkesimen bailanysynyń simvolyna ainaldy.
Is-sharaǵa arnaiy barǵan Jetisý oblysy ákiminiń orynbasary Marlen Kólbaev Taldyqorǵandaǵy N. Ostrovskii atyndaǵy №8 orta mektep pen B. Jolbarysuly atyndaǵy №18 orta mektep túlekterimen birge kóshet otyrǵyzý rásimine qatysty.
Kezdesý barysynda oblys ákiminiń orynbasary jastardyń ekologiialyq bastamasyna joǵary baǵa berip, olardyń týǵan jerdiń damýyna qosyp jatqan úlesi mańyzdy ekenin atap ótti. Sondai-aq jas urpaqty tabiǵatty qorǵaýǵa, qorshaǵan ortaǵa janashyrlyqpen qaraýǵa shaqyrdy.
Sonymen qatar «Ádep-quqyq jumys jónindegi mentor» jobasy aiasynda mektep oqýshylaryna arnalǵan arnaiy dáris saǵattary uiymdastyrylyp, quqyqtyq mádeniet, jaýapkershilik jáne qoǵamdyq tártip taqyryptary keńinen túsindirildi.
–Búgin otyrǵyzǵan kóshetimiz – bizdiń mekteppen qoshtasqan sátimizdiń esteligi ǵana emes, týǵan jerimizge degen qurmetimizdiń belgisi. Jyldar óte bul aǵashtar ósip, gúldengen kezde biz de ómirde óz ornymyzdy tabamyz dep senemin, – dedi Nurqasym Mýbina.
Ekologiialyq aktsiia aiasyndaǵy is-sharalar munymen shektelmei, Taldyqorǵan qalasynda kásiptik-tehnikalyq bilim berý uiymdarynyń stýdentteri arasynda «Student CUP» shaǵyn fýtbol týrniri uiymdastyryldy. Týrnirdiń maqsaty – jastar arasynda salaýatty ómir saltyn nasihattap, sport pen ekologiialyq mádenietti ushtastyrý boldy.
Jarysqa 14-35 jas aralyǵyndaǵy joǵary synyp oqýshylary, kolledj jáne joǵary oqý orny stýdentterinen quralǵan 8 komanda qatysyp, tartysty oiyn órnegin kórsetti. Qorytyndysynda úzdik komandalar diplomdarmen, alǵys hattarmen jáne estelik syilyqtarmen marapattaldy.
Uiymdastyrýshylardyń aitýynsha, mundai igi bastamalar jastardyń tabiǵatqa degen janashyrlyǵyn arttyryp qana qoimai, jaýapkershilik, uiymshyldyq jáne belsendi azamattyq ustanym qalyptastyrýǵa yqpal etedi.
«Taza Qazaqstan» baǵdarlamasy aiasynda ótken bul aktsiia ekologiialyq mádenietti dáriptegen, jastardy ortaq iske jumyldyrǵan jáne Jetisýdyń jasyl kelbetin qalyptastyrýǵa baǵyttalǵan taǵylymdy bastamalardyń biri boldy.
