Rýslan Jeldibai Qazaqstan Prezidentiniń shtattan tys keńesshisi qyzmetine taǵaiyndaldy, dep habarlaidy dalanews.kz.
Ol buǵan deiin Memleket basshysynyń kómekshisi ári baspasóz hatshysy qyzmetin atqarǵan. 2026 jyldyń qańtar aiynda Rýslan Jeldibai bul laýazymnan bosatylyp, onyń ornyna Aibek Smadiiarov taǵaiyndalǵan edi.
Rýslan Jeldibai ár jyldary Prezident keńesshisi, baspasóz hatshysy, Prezidenttiń ishki saiasat jáne kommýnikatsiialar máseleleri jónindegi kómekshisi, Prezident Ákimshiligi basshysynyń orynbasary siiaqty jaýapty qyzmetterde jumys istedi.
Aita keteiik, Rýslan Jeldibai 1989 jyly Jambyl oblysynda dúniege kelgen. Ol Turar Rysqulov atyndaǵy Qazaq ekonomikalyq ýniversitetin bitirgen.
Keiin «Bolashaq» baǵdarlamasy arqyly Ulybritaniiadaǵy Ýorik ýniversitetinde bilim alyp, magistr dárejesin alǵan.
