Endi Qazaqstan azamattarynyń bank esepshottary aldyn ala eskertýsiz buǵattalmaidy. Azamattarǵa bul týraly eGov portaly men SMS arqyly aldyn ala habarlama jiberiledi, dep habarlaidy dalanews.kz.
Májiliste esepshotty buǵattaý nemese shetelge shyǵýǵa shekteý qoiý aldynda mindetti túrde eskertý tetigin engizý usynyldy. Qazir kóptegen azamat mundai shekteýler týraly tek esepshoty buǵattalǵannan keiin ǵana bilip jatady.
Jańa júie pilottyq rejimde iske qosylyp úlgergen. Endi atqarýshylyq jazba rásimdelgen kezde boryshkerge avtomatty túrde SMS-habarlama jiberiledi.
Sonymen qatar notariýstardyń jumysyna qatysty zań jobasynda múddeler qaqtyǵysy bolǵan jaǵdaida, onyń ishinde jaqyn týystarǵa qatysty qyzmet kórsetýge shekteý engizý qarastyrylǵan.
Májilis depýtaty Nýrsýltan Baitelesov zań jobasy jekemenshik sot oryndaýshylarymen, mikroqarjy uiymdarymen jáne ózge de múddeli tulǵalarmen bailanys faktilerin boldyrmaýǵa baǵyttalǵanyn aitty.
– Zań jobasynda affilirlengen bailanystardyń aldyn alý úshin qosymsha shekteýler engizý usynylady. Atap aitqanda, jaqyn týystyq nemese ózge de táýeldilik bolǵan jaǵdaida notarialdyq áreketter jasaýǵa tyiym salý qarastyrylǵan, – dedi depýtat.
