Aqparattyq tehnologıalardyń qarqyndy damýy jáne barlyq salalardy sıfrlandyrýdyń jedel qarqyn alýy jaǵdaıynda aqparattyq júıeler salasyndaǵy bilim berý - qoǵamnyń tabysty qyzmet etýiniń mańyzdy faktorlarynyń birine aınaldy. Almaty tehnologıalyq ýnıversıteti (ATÝ) qazirgi zamanǵy talaptarǵa sáıkes, suranysy joǵary ári perspektıvaly mamandyqtardyń biri — «Aqparattyq júıeler» boıynsha bilim alý múmkindigin usynady.

Nelikten ATÝ-dyń «Aqparattyq júıeler» bilim berý baǵdarlamasyn tańdaý qajet?

Almaty tehnologıalyq ýnıversıtetiniń «Aqparattyq júıeler» kafedrasy — aqparattyq júıelerdi jobalaý, engizý jáne paıdalaný salasynda kúrdeli máselelerdi sheshýge daıyn mamandardy daıarlaýǵa baǵyttalǵan oqý bólimi. Kafedranyń bilim berý baǵdarlamasy stýdentterge aqparattyq júıelermen jumys jasaýdyń teorıalyq aspektilerin ǵana emes, sondaı-aq osy salanyń naqty jaǵdaıda qoldanylatyn tájirıbelik daǵdylaryn ıgerýge múmkindik beredi.

Kafedra aqparattyq júıelermen baılanysty barlyq negizgi salalardy qamtıtyn keń aýqymdy pánder jıyntyǵyn usynady. Stýdentter baǵdarlamalaý negizderin, derekqorlardy jobalaýdy, kompúterlik jelilerdi qurý men basqarýdy, sondaı-aq aqparattyq qaýipsizdik, jasandy ıntellekt jáne derekterdi taldaý sıaqty mańyzdy taqyryptardy oqıdy.

Sonymen qatar kafedra zamanaýı oqytý ádisterin belsendi túrde qoldanady, onyń ishinde stýdentterge naqty máseleler boıynsha jumys istep, óz jobalaryn ázirleýge múmkindik beretin jobalyq oqytý ádisi bar. Mundaı tásil stýdentterge teorıalyq bilimderin bekitip qana qoımaı, sonymen qatar shynaıy bızneste jumys isteý daǵdylaryn da qalyptastyrýǵa kómektesedi.

Inovasıalar men praktıka: kafedranyń basty prınsıpteri

«Aqparattyq júıeler» kafedrasynyń basty artyqshylyqtarynyń biri — ónerkásippen jáne qazirgi zamanǵy tehnologıalyq úrdistermen tyǵyz baılanys ornatý. Stýdentter jetekshi İT-kompanıalarymen yntymaqtastyqta bolyp, tájirıbeden ótedi, bul olardyń kásibı daǵdylaryn jetildirýge ǵana emes, oqý bitirgennen keıin jumysqa ornalasýǵa daıyn bolýyna da múmkindik beredi.

Kafedra oqytý úderisine zamanaýı aqparattyq tehnologıalardy belsendi túrde engizýde. Stýdentter jańartylǵan baǵdarlamalyq qamtamasyz etýge qol jetkizip, zamanaýı zerthanalarda baǵdarlamalyq sheshimderdi ázirleýmen aınalysady. Stýdentter ázirlegen jumystar tek olardyń dıplomdyq jumystarynda ǵana emes, sondaı-aq naqty jobalarda da qoldanylady.

«Aqparattyq júıeler» kafedrasynda oqýdyń artyqshylyqtary:

• Joǵary bilikti oqytýshylar. Kafedranyń oqytýshylar quramy — tájirıbeli mamandardan turady, olar İT-salasyndaǵy joǵary deńgeıdegi bilim men tájirıbege ıe.
• Zamanaýı oqý bazasy. Kafedra stýdentterge óz bilimderi men daǵdylaryn damytýǵa múmkindik beretin jańa zerthanalarmen jabdyqtalǵan: «Huawei ICT Academy», «Apple Lab», «Cisco Networking Academy», «VR/AR Lab» jáne «SmartTech».  Bul stýdentterdiń tájirıbelik bilim deńgeıiniń joǵary bolýyn qamtamasyz etedi.
• Kásibı perspektıvalar. «Aqparattyq júıeler» kafedrasynyń túlekteri İT-kompanıalarda jáne aqparattyq tehnologıalar salasynda mamandar qajet etetin basqa da uıymdarda jumysqa ornalasýdyń úlken múmkindikterge ıe bolady.

Kafedranyń bolashaǵy jáne stýdentterdi daıarlaý

«Aqparattyq júıeler» kafedrasy únemi damý ústinde, bilim berý men tehnologıalar salasyndaǵy sońǵy úrdisterge sáıkes keledi. Únemi jańartylyp otyratyn baǵdarlamalar, jańa zerthanalar — bul bolashaqta joǵary bilikti mamandar daıarlaýǵa yqpal etedi, olar zamanaýı aqparattyq tehnologıalardy qoldanyp, İT-salasyn damytady.

«Aqparattyq júıeler» bilim berý baǵdarlamasy — bul dıplom alý ǵana emes, sıfrlyq bolashaqtyń bir bóligi bolý, ınovasıalyq sheshimder jasaý jáne tehnologıalyq revolúsıa ortasynda bolý múmkindigi. Kafedra túlekteri — İT-saladaǵy suranysqa ıe mamandar, olardyń bilimderi men daǵdylary elimizde jáne shetelde de keńinen qoldanylatyn bolady.

Qoryta aıtqanda,  Almaty tehnologıalyq ýnıversıtetiniń «Aqparattyq júıeler» kafedrasy — bul tek bilim alý orny ǵana emes, sonymen qatar aqparattyq tehnologıalar salasyndaǵy bolashaq kóshbasshylardy daıarlaıtyn ortalyq. Myqty akademıalyq baza, tájirıbelik daıarlyq, İT-kompanıalarmen yntymaqtastyq jáne zamanaýı oqytý ádisteri osy kafedrany joǵary tehnologıalar áleminde tabysty mansap qurýdy qalaıtyn jastar úshin tamasha tańdaý etedi.

Avtorlar: «Aqparattyq júıeler» kafedra meńgerýshisi PhD K.O. Togjanova, «Aqparattyq júıeler» kafedrasynyń qaýym.profesory PhD,G.B. Kashaganova.