Almaty qalasynyń joǵary oqý oryndarynyń stýdentteri Qarjylyq qaýipsizdik boıynsha respýblıkalyq dıktant-testke belsendi túrde qatysýda, dep habarlaıdy Dalanews.kz
Atalǵan shara azamattardyń qarjylyq saýattylyǵyn arttyrýǵa jáne alaıaqtyq shemalardan qorǵaný daǵdylaryn qalyptastyrýǵa baǵyttalǵan.
İs-shara Qazaqstan Respýblıkasynyń Qarjy monıtorıńi agenttiginiń bastamasymen, «Halyq Bank» AQ jáne «Qaryzsyz qoǵam» qoǵamdyq birlestiginiń birlesip uıymdastyrýymen ótkizilýde.
Dıktanttyń maqsaty – azamattardy alaıaqtyq shemalarǵa tartýdyń aldyn alý, sondaı-aq olardyń qarjylyq qaýipsizdik qaǵıdattary týraly habardarlyǵyn arttyrý. Qatysýshylar óz bilimderin tekserip qana qoımaı, dıktanttan ótkendigi týraly sertıfıkat alýǵa múmkindik alady.
2025 jylǵy 14 qazan jaǵdaıy boıynsha dıktantqa Almaty qalasynyń 6 myńnan astam turǵyny, sonyń ishinde jetekshi joǵary oqý oryndarynyń stýdentteri qatysty.
Osyndaı is-sharalar «Zań jáne tártip» qaǵıdatyn iske asyrýǵa jáne jastar arasynda jaýapty qarjylyq minez-qulyqty qalyptastyrýǵa yqpal etedi.
