Pákistan biligi AQSh pen Iran arasynda kelisim jasalǵanyn málimdedi. Sonymen qatar taraptar aimaqtaǵy qaqtyǵystardy, onyń ishinde Livandaǵy áskeri is-qimyldardy toqtatý jóninde ýaǵdalastyqqa qol jetkizgen, dep habarlaidy dalanews.kz.
BBC-diń habarlaýynsha, osydan keiin AQSh prezidenti Donald Tramp Iranǵa qatysty teńiz blokadasy alynatynyn jáne Ormýz buǵazy arqyly keme qatynasy qaita jandanatynyn málimdegen. Bul aqparatty Tegeran da rastady. Alaida ázirge kelisimniń naqty sharttary jariialanǵan joq.
Pákistan premer-ministri Shahbaz Sharif X áleýmettik jelisindegi paraqshasynda qarqyndy kelissózderdiń nátijesinde AQSh pen Iran arasynda beibit kelisim jasalǵanyn habarlady.
Onyń sózinshe, eki tarap barlyq baǵyt boiynsha, sonyń ishinde Livandaǵy áskeri is-qimyldardy dereý ári tolyq toqtatý týraly kelisimge kelgen.
