Balqash qalasynda zeinetker óz qyzynan aliment óndirý týraly talap aryzben sotqa júgingen. Ol qyzynan ai saiyn 10 AEK, iaǵni shamamen 43 myń teńge tóleýdi suraǵan. Er adam bul qarajat turmysqa jáne dári-dármekke qajet ekenin aitqan, dep habarlaidy dalanews.kz.
Alaida sot barysynda zeinetker ai saiyn 128 myń teńge kóleminde zeinetaqy alatyny, eki qabatty úii men Mitsubishi Montero Sport kóligi bar ekeni anyqtalǵan. Sonymen qatar, oǵan uly materialdyq kómek kórsetip otyrǵan.
Qyzy talap aryzben kelispeitinin málimdegen. Onyń aitýynsha, ózi eki balany jalǵyz tárbielep otyr, balalardyń ákesinen aliment almaidy jáne satýshynyń kómekshisi bolyp jumys isteidi. Ailyǵy - 85 myń teńge.
Isti qaraǵan sot zeinetker qiyn jaǵdaida ekenin dáleldeitin jetkilikti negiz joq degen qorytyndyǵa kelgen. Sondai-aq, oǵan turaqty em-dom nemese kútim qajet ekeni de rastalmaǵan.
