Atyraýlyq Iana Legkodimovanyń ólimi boiynsha jańa málimetter jariialandy, dep habarlaidy Dalanews.kz.
Atyraýda 23 jastaǵy Iana Legkodimovanyń ólimine qatysty sot ótip jatyr. "NeMolchi.kz" qory aiyptalýshylardyń bir-birine joldaǵan hattarynyń úzindilerin jariialady. Onda kúdiktiler óz áreketterine ókinbegeni, qylmysty josparlap, keiin ne isteý keregin talqylaǵany baiqalady.
Habarlamadan úzindi:
"Uiyqtap jatyr, áli denesi jyly, tiri",
"Biz budan da qorqynyshty nárselerdi jasaǵanbyz",
"Qazir bárin tazala, jýyp al, iz qalýy múmkin", "Olar itpen kele me?".
Sondai-aq, olar para arqyly jazadan qutylý jaiyn da sóz etken.
Tergeý málimetinshe, Iana 2024 jylǵy 18 qazanda úiinen tanysynyń qońyraýynan keiin shyǵyp ketip, qaita oralmaǵan. Kúdiktiler - 24 jáne 25 jastaǵy eki er adam. Tergeý málimeti boiynsha olardyń biri qyzdy kólikte tunshyqtyrǵan, ekinshisi esikti jaýyp turǵan. Keiin súiekti Taldykól mańyndaǵy Jaiyq ózenine tastaǵan.
Marqumnyń súiegi segiz aidan keiin, 2025 jylǵy maýsymda tabyldy.
